Pitru Paksha 2024 Daan : पितृपक्षात चुकूनही दान करु नका या ५ वस्तू! व्हाल कंगाल, उभा राहिल समस्यांचा डोंगर

पितृपक्षाच्या काळात बहुतेक कपडे दान करतात. तुम्हाला कपडे दान करायचे असेल तर ते नवीन असायला हवे. असे कपडे खरेदी करा की, जे लगेच दान करता येतील. चुकूनही शूज किंवा चप्पल दान करु नका. असे केल्याने कुंडलीतील राहूवर परिणाम होऊन राहू दोषाचा त्रास होऊ शकतो.

पितृपक्षात चुकूनही लोखंडाची भांडी दान करु नका. या काळात स्टील किंवा चांदीची भांडी दान करणे शुभ मानले जाते. लोखडांचे दान केल्याने पितर नाराज होतात असे शास्त्रात सांगण्यात आले आहे. त्यामुळे पितृदोषाचा सामना करावा लागेल.

पितृपक्षाच्या काळात झाडूचे दान करु नका. झाडू हे लक्ष्मी देवीचे रुप मानले जाते. त्यामुळे कधीही झाडू दान करु नये. यामुळे आर्थिक संकटाचा सामना करावा लागेल. तसेच या दिवसात नवीन झाडू देखील खरेदी करु नका.

पितृपक्षात चुकूनही तेल दान करु नका. असे केल्याने पूर्वज नाराज होतात. तिळाचे तेल या काळात दान करु नये याची विशेष काळजी घ्यायला हवी.

श्राद्ध काळात चुकूनही उरलेले किंवा पितरांना अर्पण केलेले अन्न दान करु नका. तसेच श्राद्ध तिथीच्या वेळी ताजे अन्नपदार्थ तयार करा. शिळे अन्नपदार्थ अर्पण केल्याने पितर नाराज होतात.

• पितृपक्षात अन्नदान करण्याला अधिक महत्त्व आहे. या वेळी तुम्ही गहू किंवा तांदूळ दान करु शकता. दान करताना संकल्प करा.
• पितृपक्षात नवीन कपड्यांशिवाय सोन दान करण्याला देखील अधिक महत्त्व आहे. तुम्ही या काळात तुमच्या क्षमतेनुसार दान करु शकता.
• जर तुम्ही आर्थिकदृष्ट्या सक्षम असाल तर गरजू लोकांना जमीन किंवा संपत्ती दान करावी. हे दान केल्याने तुम्हाला अनेक पटींने पुण्य लाभते.
• गायीचे शुद्ध देशी तूप दान करणे देखील या काळात शुभ मानले जाते. हे दान केल्याने घरात सुख, संपत्ती आणि समृद्धी नांदते.