कळवा मुंब्य्रात अजित दादांची फील्डिंग, जितेंद्र आव्हाडांच्या विरोधात शिष्यालाच मैदानात उतरवलं

कळवा मुंब्रा विधानसभा क्षेत्रातील मुंब्रा हा मुस्लिमबहुल परिसर असून कळव्यात मात्र मराठी आणि आगरी मतदार जास्त प्रमाणात आहेत. या ठिकाणी राष्ट्रवादी काँग्रेसची ताकद देखील जास्त आहे. त्यामुळे राष्ट्रवादी काँग्रेस पक्षाच्या नगरसेवकांची संख्या देखील या ठिकाणी जास्त आहे.
Amit Thackeray : आदित्य सत्तेत असताना निवडणूक लढला, चांगला निर्णय होता पण… अमित ठाकरेंचं पहिल्यांदाच नाव घेत भाष्य
राष्ट्रवादीमध्ये फूट फुडल्यानंतर मुख्य राष्ट्रवादी पक्षातील नगरसेवक विभागल्याने कळवा मुंब्रा मतदारसंघात राजन किणे आणि प्रकाश बर्डे हे दोन माजी नगरसेवक वगळता या मतदारसंघातील बहुतांश नगरसेवक हे जितेंद्र आव्हाड यांच्यासोबतच आहेत. तर ठाण्यातील दोन पॅनलमधील मूळ राष्ट्रवादीमधील माजी नगरसेवक अजित पवार यांच्यासोबत गेले असून यामध्ये नजीब मुल्ला यांचा समावेश आहे.

शरद पवार गटाचा प्रभाव

कल्याण लोकसभा क्षेत्रात येत असलेला कळवा मुंब्रा हा विधानसभा मतदार २००९ साली संघ तयार झाल्यानंतर या ठिकाणी जितेंद्र आव्हाड यांच्या माध्यमातून राष्ट्रवादी काँग्रेसने ही निवडणूक लढवून राष्ट्रवादीचा पहिल्यांदा झेंडा फडकावला. तेव्हापासून जितेंद्र आव्हाड हेच या मतदारसंघाचे नेतृत्व करत आहेत. त्यामुळे शरद पवार गटाचा प्रभाव या मतदारसंघात जास्त आहे.
Sulbha Khodke : पक्षप्रवेश आणि दहा मिनिटात तिकीटही जाहीर; अजितदादांची चौघा आयारामांच्या गळ्यात उमेदवारीची माळ
नुकत्याच झालेल्या लोकसभेच्या निवडणुकीत ठाकरे गटाच्या वैशाली दरेकर यांना या मतदार संघातून चांगला लीड मिळाला आहे. मात्र आता अजित पवार गटाने या मतदारसंघाला सुरुंग लावण्याचे काम सुरु केले असून मुंब्रा कळव्याच्या विकासासाठी ५० कोटींचा निधी आणून आव्हाडांना त्यांच्याच मतदारसंघात घेरण्याचे नियोजन अजित पवार गटाने केले आहे.