पालघरमधील तारापूर औद्योगिक क्षेत्रातील कंपनीत स्फोट, कामगार गंभीर जखमी

तारापूर औद्योगिक क्षेत्रातील प्लॉट नंबर जी.44 स्थित कंपनीत स्फोट आग लागल्याची घटना घडली आहे. धार्मित रिसायकलिंग इंडस्ट्रीज या कंपनीत सकाळी अकरा वाजताच्या सुमारास अचानक स्फोट झाला. स्फोट होऊन कंपनीत आग लागली दरम्यान घटनेची माहिती मिळताच बोईसर पोलीस आणि अग्निशमन दलाचे जवान घटनास्थळी दाखल झाले. कंपनीला लागलेल्या या आगीवर नियंत्रण मिळवण्याचे प्रयत्न अग्निशमन दलामार्फत सुरू आहेत.

कंपनीचे उत्पादन काय?

धार्मित रिसायकलिंग इंडस्ट्रीज या कंपनीत कॉपर सल्फेट बनवण्यात येते. कंपनीत उत्पादन सुरू असताना स्फोट प्राथमिक माहिती समोर आली आहे. उत्पादन सुरु असताना झालेल्या स्फोटात कंपनीतील तीन कामगार गंभीररीत्या जखमी झाले आहेत तर एक कामगार किरकोळ जखमी झाला आहे. दुर्घटनेत जखमी झालेल्या जखमी कामगारांना बोईसर येथील तुंगा रुग्णालयात उपचारासाठी दाखल करण्यात आले असून सध्या जखमींवर उपचार सुरू आहेत.

दरम्यान, कंपनी मालकांना चौकशीसाठी पोलिसांना बोलावून घेतल्याची माहिती समजत आहे. त्यामुळे कंपनी हवी ता सुरक्षेची यंत्रणा वापरण्यात आली होती का याची चौकशी केली जाऊ शकते. सुरक्षेबाबत कोणतीही काळजी घेतली गेली नसेल तर कंपनी मालकांसाठी अडचणीचं ठरणार आहे.