मुख्यमंत्र्यांना मोठा धक्का, परभणीत एकनाथ शिंदेंच्या ५०० शिवसैनिकांचा सामूहिक राजीनामा

सईद खान यांना पाथरी विधानसभा मतदारसंघातून उमेदवारीचं आश्वासन

सईद खान हे मागील दोन वर्षापासून पाथरी विधानसभा मतदारसंघातून निवडणूक लढवण्यासाठी इच्छुक होते. मुख्यमंत्री एकनाथ शिंदे यांच्या नेतृत्वात त्यांनी पाथरी विधानसभा मतदारसंघांमध्ये शेकडो कोटींची विकास कामं खेचून आणली. साई जन्मभूमीसाठी शंभर कोटी रुपयांचा निधी खेचून आणण्यात त्यांना यशही मिळालं. त्याचबरोबर त्यांनी विधानसभा निवडणूक लढवण्याच्या उद्देशाने संघटनात्मक बांधणीही केली. मुख्यमंत्री एकनाथ शिंदे यांनी सईद खान यांना पाथरी विधानसभा मतदारसंघातून उमेदवारी मिळवून देण्याचं आश्वासनही दिलं होतं. पण अचानक पाथरी विधानसभा मतदारसंघ महायुतीमध्ये अजित पवारांच्या राष्ट्रवादीकडे गेला.
Solapur News : रमेश कदमांच्या २६ वर्षीय लेकीला शरद पवारांकडून तिकीट, इच्छुकांना डावलल्याने बंडखोरीची शक्यता

पाथरी विधानसभा राष्ट्रवादीकडे गेल्याने शिवसैनिकांमध्ये नाराजी

महायुतीमध्ये पाथरी विधानसभा मतदारसंघ राष्ट्रवादी काँग्रेसकडे गेल्याने सर्वच शिवसैनिक नाराज झाले. शिवसैनिकांनी बैठक घेऊन सईद खान यांच्यावर शिवसेना सोडण्यासाठी दबाव टाकला. कोणत्याही परिस्थितीत पाथरी विधानसभा लढवण्याचा निर्णय शिवसैनिकांनी घेतला. शिवसैनिकांच्या आग्रहाखातर सईद खान यांनी आपल्या प्रमुख पाचशे पदाधिकाऱ्यांसह राजीनामे मुख्यमंत्री एकनाथ शिंदे यांच्याकडे सुपूर्द केले आणि सर्वानुमते राष्ट्रीय समाज पक्षाच्या चिन्हावर पाथरी विधानसभा मतदारसंघातून निवडणूक लढवण्याचे जाहीर केलं.
Raigad News : रायगडमध्ये एकही काँग्रेस उमेदवार नाही, कार्यकर्ते संतापले, जिल्हाध्यक्षाचा राजीनामा, पडसाद उमटायला सुरुवात

राष्ट्रवादीचे आमदार राजेश विटेकर यांनी पाठीत खंजीर खुपसला – सईद खान

नुकत्याच झालेल्या विधान परिषदेच्या निवडणुकीमध्ये मी इमान इतबारे मदत केली. त्यावेळी राजेश विटेकर यांनी विधानसभा निवडणुकीत पाथरी विधानसभा मतदारसंघात मदत करण्याचं सईद खान यांना आश्वासनही दिलं होतं. पण राजेश विटेकर यांनी आमदार झाल्यानंतर पाथरी विधानसभा मतदारसंघ पुन्हा एकदा राष्ट्रवादी काँग्रेसलाच सोडवून घेतला आणि आपल्या आई निर्मलाताई विटेकर यांना उमेदवारी दिली. राजेश विटेकर यांनी जाणून बुजून माझा विश्वासघात केला, माझ्या पाठीत खंजीर खुपसला, अशी प्रतिक्रिया सईद खान यांनी दिली आहे.