“महाराष्ट्राचे मुख्यमंत्री” कार्यकर्त्यांकडून खास पाटी गिफ्ट, अजितदादांच्या कृतीने सारेच चकित

तर, उपमुख्यमंत्री अजित पवार हे देखील बारामती विधानसभा मतदारसंघातून उमेदवारी अर्ज दाखल करणार आहेत. अजित पवार आज आपला उमेदवारी अर्ज दाखल करणार आहेत. त्यासाठी ते आज बारामतीतील संयोग सोसायटी आणि त्यांच्या निवासस्थानी होते. तेव्हा कार्यकर्त्यांनी त्यांनी भेट घेतली. यावेळी कार्यकर्त्यांनी अजितदादांच्या हाती त्यांच्या नावाची एक पाटी दिली. ही पाटी पाहताच दादांनी ती गळ्यात घातलेल्या शालने झाकली.
Amit Thackeray: ते पुन्हा एकत्र यावे असं वाटत नाही, अमित ठाकरेंचं राज आणि उद्धव ठाकरेंबाबत मोठं विधान
कार्यकर्त्यांनी आपल्या मनातील इच्छा या पाटीच्या माध्यमातून व्यक्त केली होती. या पाटीवर लिहिलं होतं, अजित आशाताई अनंतराव पवार, मुख्यमंत्री महाराष्ट्र राज्य. ही पाटी पाहताच दादांना आता काय करावं असं झालं. मग त्यांनी त्या पाटीवरील मुख्यमंत्री हा शब्द आपल्या शालने झाकून घेतला. तेव्हा कार्यकर्ते आणि पत्रकारांनी मुख्यमंत्री शब्द का झाकताय, दिसू द्या, असं म्हटलं. कार्यकर्ते म्हणाले आमची तीच इच्छा आहे. पण, दादांनी तो शब्द दिसू दिला नाही.

जेव्हा कार्यकर्ते जिद्द करु लागले तेव्हा आजितदादा म्हणाले, इच्छा आहे असं म्हणून जर कोणी मुख्यमंत्री झालं असतं तर आबादी आबाद झालं असतं. मॅजिक फिगर पण गरजेचं असतं ना. अजित पवार म्हणाले असं काही नसतं त्याला मॅजिक फिगर लागते. यावेळी त्यांनी १४५ या बहुमताच्या आकड्याचा उल्लेखही केला.

अजित पवार उमेदवारी अर्ज भरणार

अजित पवार बारामतीतून निवडणुकीच्या रिंगणात आहेत. ते आज आपला उमेदवारी अर्ज दाखल करणार आहेत. अजित पवार कन्हेरीच्या मारुतीरायाचं दर्शन घेऊन उमेदवारी अर्ज दाखल करतील. त्यानंतर प्रचाराला सुरुवात करतील. बारामतीत यंदा काका विरुद्ध पुतण्या अशी लढत पाहायला मिळणार आहे. अजित पवारांविरोधात युगेंद्र पवार असणार आहे.