मुख्यमंत्र्यांचे माघार घेण्याचे आदेश? सदा सरवणकर यांचा मोठा निर्णय, व्हॉट्सअप स्टेटसने खळबळ

रविवारी सदा सरवणकर यांनी मुख्यमंत्री एकनाथ शिंदे यांची भेट घेतली असल्याची माहिती आहे. या भेटीमध्ये शिंदेंनी सरवणकरांना युती धर्म पाळण्याचे आदेश दिले होते, त्यानंतर दुसऱ्यांदा सरवणकरांना वर्षावर जात शिंदेंची भेट घेतली. ही भेट काही मिनिटांची असल्याची माहिती समजत आहे. या भेटीमध्ये नेमकी काय चर्चा झाली हे समोर आलेलं नाही. पण सदा सरवणकरांचे सुपुत्र समाधान सरवणकरांनी ठेवलेल्या व्हॉट्सअप स्टेटसमुळे सरवणकर माघार घेणार नसल्याचं दिसत आहे.
काँग्रेसचा मोठा निर्णय, जाहीर केलेल्या दोन जागांवर बदलले उमेदवार, नेमकं काय कारण?
आमदार सदा सरवणकर यांचा उमेदवारी अर्ज भरण्यासाठी दिनांक 29 ऑक्टोबर रोजी सकाळी 9 वाजता सर्वांनी शाखा क्रमांक 194, सामना प्रेस प्रभादेवी इथे उपस्थित रहावे, असं समाधान सरवणकर यांनी आपल्या स्टेटसमध्ये म्हटलं आहे. या स्टेटसवरून सरवणकर हे निवडणुक लढवणार असल्याचं स्पष्ट झालं आहे. मात्र याबाबत स्वत: सदा सरवणकर यांची प्रतिक्रिया समोर आलेल नाही.

दरम्यान, माहिम मतदारसंघात सदा सरवणकर हे २०१४ आणि २०१९ या निवडणुकीमध्ये विजयी झाले आहेत. शिवसेनेमध्ये एकनाथ शिंदेंनी बंड केल्यावर ते शिंदे गटात गेले होते. महायुतीमध्ये माहिमची जागा शिंदे गटाला देण्यात आली आहे. मात्र ठाकरेंनी सुपुत्र निवडणुकीच्या आखाड्यात उतरल्यामुळे सरवणकर यांची गोची झाल्याचं दिसत आहे. दुसरीकडे भाजपनेही राज ठाकरेंना पाठिंबा देण्याची मागणी केली. आता २९ ऑक्टोबरला पत्रकार परिषदेमध्ये काय निर्णय घेतात हे पाहणं महत्त्वाचं ठरणार आहे.