दिवाळीची शॉपिंग स्वस्तात मस्त? सावधान, एक चूक पडेल महागात, सायबर चोरट्यांकडून बनावट संकेतस्थळे, अ‍ॅपचा वापर

सायबर पोलिस, तसेच अनेक संस्थांनी मार्गदर्शक सूचना जारी करीत याबाबत नागरिकांना सतर्क केले आहे. चेंबूर येथील महिलेने भेट देण्यासाठी ५५० रुपयांची गणपतीची मूर्ती ऑनलाइन खरेदी केली. यासाठी तिने पैसेही भरले. मात्र, मूर्ती न आल्याने तिने कंपनीच्या ग्राहकसेवा क्रमांकावर संपर्क साधला. त्यानंतर वेगवेगळी कारणे सांगत त्यांची ५० हजार रुपयांची फसवणूक करण्यात आली. अशाचप्रकारे वर्सोवा परिसरात एका तरुणाने ऑनलाइन मागवलेला ६०० रुपयांचा शर्ट त्याला ८० हजारांना पडला. हे फसवणुकीचे प्रकार कुणाच्याही सोबत होऊ शकतात. त्यातच दिवाळीनिमित्त अनेक कंपन्यांनी ऑनलाइन सेल सुरू केले आहेत. ऑनलाइन खरेदी करताना एखादी चूक हातून घडली तर ती लाखोंना पडू शकते, असे पोलिसांनी म्हटले आहे. दरम्यान, ई-बात, आरबीआय कहता है या उपक्रमांतून याबाबत जनजागृती केली जात आहे. एनपीसीआय या कंपनीनेही काही सावधगिरीच्या सूचना जारी केल्या आहेत.

चार लाखांच्या दागिन्यांवर डल्ला
दहिसरमधील एका कुटुंबाने अॅपवरून घरी साफसफाई करण्यासाठी माणसे मागवली. या कामासाठी दोन तरुणांना पाठवण्यात आले. मात्र या हे दोघे साफसफाई करण्याबरोबरच घरातील चार लाखांचे दागिने चोरून पसार झाले. पोलिसांनी या प्रकरणात काही जणांना ताब्यात घेतले आहे
अजित पवारांना मोठा धक्का! सतीश शिंदे घेणार तुतारी हाती, सलील देशमुख यांना दिले समर्थन
खरेदी करताना सावधान…
■ ऑनलाइन वस्तू मागवताना कॅश ऑन डिलिव्हरीच्या पर्यायाला प्राधान्य द्यावे
■ कॉलची खात्री पटेपर्यंत त्यांना गुगल पे अथवा अन्य अॅपवर पैसे पाठवू नयेत
■ बँक खात्याचा तपशील व गोपनीय क्रमांक कधीही शेअर करू नये
■ अनोळखी व्यक्तीने पाठवलेला क्यूआर कोड स्कॅन करू नका
■ कोणालाही गुगल पे, फोन पे लिंक पाठवण्याची गरज नसते
■ पेमेंट अॅपच्या लिंकवरील माहितीचा सायबर हॅकर्सना फायदा होतो
Bandra Terminus Stampede: प्लॅटफॉर्म तिकीट विक्री बंद; ‘या’ सोळा स्टेशन्सबाबत मध्य व पश्चिम रेल्वेचा मोठा निर्णय
विक्री करतानाही खबरदारी आवश्यक
■ ओएलएक्स किंवा क्यूकरवर स्वस्तामध्ये वस्तूच्या जाहिराती अपलोड केल्या जातात
■ आपण विक्रीसाठी वस्तू ठेवल्यास खरेदीच्या बहाण्याने सायबर भामटे संपर्क करतात
■ खोटे ओळखपत्र पाठवून नौदल किंवा सैन्यातील जवान असल्याचे भासवले जाते
■ जितक्या रक्कम पाठवणार त्याची दुप्पट रक्कम देता येते, असा नियम असल्याचे भासवतात
■ क्यूआर कोड, किंवा लिंक पाठवून त्याआधारे पैसे उकळले जातात