Congress Candidate List: काँग्रेसच्या बालेकिल्ल्यात प्रणिती शिंदेंचा वारसदार जाहीर; विरोध झुगारत तरुण चेहऱ्याला संधी

पद्मशाली समाजाची मतदार संख्या मोठ्या संख्येने

काँग्रेसचा बालेकिल्ला असलेल्या सोलापूर शहर मध्य मतदारसंघात काँग्रेसचे शहर अध्यक्ष चेतन नरोटे यांना काँग्रेस पक्षाकडून उमेदवारी मिळाल्याने अनेकांच्या भुवया उंचावल्या आहेत. सोलापूर शहर मध्य विधानसभा मतदारसंघाच्या रिंगणात माकपचे माजी आमदार नरसय्या आडम, एमआयएमचे फारूक शाब्दी, भाजपचे देवेंद्र कोठे, मनसेचे नागेश पासकंटी यांनी उमेदवारी अर्ज भरला आहे. मनसेने देखील पद्मशाली समाजातील नागेश पासकंटीला एबी फॉर्म देत पद्मशाली कार्ड खेळला आहे. सोलापूर शहर मध्य विधानसभा मतदारसंघात भाजपने आणि मनसेने पद्मशाली कार्ड खेळला आहे. तर, काँग्रेसकडून एका धनगर तरुणाला संधी देण्यात आली आहे.
Shrinivas Vanga: गाडी, ड्रायव्हर सगळं इथेच, एकटेच पायी निघून गेले, १२ तासांपासून वनगांचा पत्ता नाही, पत्नीची चिंता वाढली

मुस्लिम आणि मोची समाजाला ठेंगा

गेल्या अनेक दिवसांपासून मोची समाज आणि मुस्लिम समाजाला न्याय द्यावा अशी मागणी केली जात होती. काँग्रेस पक्षात असलेल्या मोची समाजातील नेत्यांनी उमेदवारी न मिळाल्यास काँग्रेसचा सामूहिक राजीनामा देऊ अशी जाहीर पत्रकार परिषद घेतली होती. तर, काँग्रेसमधील मुस्लिम नेत्यांनी एकत्रित येत कौमी एकता मंचच्या माध्यमातून प्रेशर पॉलिटिक्स करण्याचा प्रयत्न केला होता.

काँग्रेसमधील वरीष्ठ नेत्यांनी मुस्लिम आणि मोची समाजाचा विरोध झुगारून धनगर समाजाच्या तरुणाला उमेदवारी दिली. काँग्रेसने नवा कार्ड खेळला आहे. आता प्रणिती शिंदेंचा बालेकिल्ला असलेला सोलापूर शहर मध्य मतदारसंघ चेतन नरोटे काँग्रेसकडे शाबूत ठेवण्यात यशस्वी होतील की नाही हे आगामी काळात समजेल.