Diwali Bonus: बेस्ट कर्मचाऱ्यांची दिवाळी बोनसविना; आचारसंहितेमुळे महापालिकेकडून निधीच नाही

By tejpolicetimes On Oct 31, 2024

Mumbai BEST Bus Diwali Bonus: दरवर्षी दिवाळीच्या आधल्या दिवशी होणारा बेस्ट कर्मचाऱ्यांचा होणारा बोनस यावेळी मात्र होऊ शकलेला नाही. बोनस देण्यासाठी बेस्ट उपक्रमाकडून बुधवारी दिवसभर निधीची जुळवाजुळव सुरूच होती आणि यासाठी बैठका होत होत्या.

महाराष्ट्र टाइम्स

best bus6

मुंबई : मुंबई महापालिका अधिकारी, कर्मचाऱ्यांना यंदा दिवाळीनिमित्त २९ हजार रुपये बोनस देण्याचा निर्णय घेण्यात आला. महापालिका अधिकारी-कर्मचाऱ्यांप्रमाणेच बेस्ट कर्मचाऱ्यांना बोनस मिळावा यासाठी बेस्ट उपक्रमाने मुंबई महापालिकेकडे निधी मागितला होता. मात्र निवडणूक आचारसंहितेमुळे निधी देता येत नसल्याचे स्पष्ट केल्याने यंदाची बेस्ट कर्मचाऱ्यांची दिवाळी बोनसविना झाली आहे. दरवर्षी दिवाळीच्या आधल्या दिवशी होणारा बेस्ट कर्मचाऱ्यांचा होणारा बोनस यावेळी मात्र होऊ शकलेला नाही. बोनस देण्यासाठी बेस्ट उपक्रमाकडून बुधवारी दिवसभर निधीची जुळवाजुळव सुरूच होती आणि यासाठी बैठका होत होत्या.

यंदा मुंबई महापालिका अधिकारी, कर्मचारी, अनुदानप्राप्त खासगी प्राथमिक शिक्षक आणि शिक्षकेतर कर्मचारी, महापालिका प्राथमिक शाळेतील तसेच अनुदानप्राप्त खासगी प्राथमिक शाळेतील शिक्षण सेवक, माध्यमिक शाळेतील शिक्षक, शिक्षकेतर कर्मचारी (अनुदानित आणि विनाअनुदानित), माध्यमिक शाळेतील शिक्षण सेवक, अध्यापक शाळेतील शिक्षण सेवक, अध्यापक विद्यालय अधिव्याख्याते आणि शिक्षकेतर कर्मचारी, अध्यापक विद्यालय शिक्षण सेवक यांना २९ हजार रुपये बोनस मिळाला. गेल्या वर्षी अधिकारी, कर्मचाऱ्यांना २६ हजार रूपये बोनस दिला होता. यंदा यामध्ये वाढ करण्यात आली.
राम आयेंगे तो अंगना सजाऊंगी… दीपोत्सवाचा विश्वविक्रम; २५ लाखांहून अधिक पणत्यांनी उजळली अयोध्यानगरी
सामाजिक आरोग्य स्वयंसेविकांना १२ हजार रुपये, तर बालवाडी शिक्षिका, मदतनीस यांना प्रथमच भाऊबीज भेट देताना पाच हजार रुपये देण्यात आले. मुंबई महापालिकेप्रमाणेच बेस्टच्या अधिकारी, कर्मचाऱ्यांनाही दरवर्षी बोनस मिळतो आणि हा बोनस यावेळी मिळावा, अशी मागणी बेस्ट उपक्रमाच्या अधिकारी, कर्मचाऱ्यांकडून केली जात होती. त्यामुळे आठवड्याभरापूर्वीच बेस्ट उपक्रमाने मुंबई महापालिकेकडे ८० कोटी रुपये निधीची मागणी केली होती. त्यामुळे बोनसची कर्मचाऱ्यांना प्रतीक्षा होती. दरवर्षी दिवाळीच्या आधल्या दिवशी बोनस मिळतो. मात्र बुधवारपर्यंत बेस्ट कर्मचाऱ्यांचा बोनस झाला नव्हता. यासंदर्भात बुधवारी बेस्ट उपक्रमातही बैठका सुरू होत्या.
बंडखोरांची मनधरणी! बंड शमविण्यासाठी दोन्ही आघाड्यांतील पक्षांचे बैठकसत्र, अपक्ष कुणाला घाम फोडणार?
महापालिकेची असमर्थता
विधानसभा निवडणुकीमुळे आचारसंहिता लागू आहे. आचारसंहितेमुळे निधी उपलब्ध करू शकत नसल्याचे महापालिकेकडून बेस्टला कळवण्यात आले. बोनससाठीचा हा निधी आचारसंहितेनंतर देण्याचा विचार करू, असेही महापालिकेने बेस्टला स्पष्ट केले. त्यामुळे बेस्ट कर्मचाऱ्यांची दिवाळी यंदा बोनसविनाच होणार असल्याचे स्पष्ट झाले आहे. बेस्टमध्ये सध्या २५ हजारपेक्षा जास्त अधिकारी, कर्मचारी आहेत.

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा

Source link