‘नोटा’चा यंदा कुणाला तोटा? जळगावात गतवेळी २५ हजार मतदारांकडून वापर, उमेदवारांना मतांची चिंता

केंद्रीय निवडणूक आयोगाने स्थानिक स्वराज्य संस्थांसह लोकसभा व विधानसभेच्या निवडणुकांमध्ये योग्य उमेदवार नसल्यास मतदारांना ‘ईव्हीएम’वरील ‘नोटा’चे बटण दाबून सर्वच उमेदवारांना नाकारण्याचा पर्याय दिलेला आहे. २०१९ च्या निवडणुकीत जिल्ह्यातील ११ विधानसभा मतदारसंघांत एकूण २५ हजार ५८८ मतदारांनी ‘नोटा’चा पर्याय स्वीकारून सर्वच उमेदवारांना नाकारले होते. ‘नोटा’चा सर्वाधिक वापर जळगाव शहर मतदारसंघात करण्यात आला होता. या मतदारसंघात चार हजार ९९८ मतदारांनी ‘नोटा’चा पर्याय स्वीकारला होता. अमळनेर मतदारसंघात केवळ एक हजार ५०३ मतदारांनी हा पर्याय स्वीकारला होता.
बंडखोरांची मनधरणी! बंड शमविण्यासाठी दोन्ही आघाड्यांतील पक्षांचे बैठकसत्र, अपक्ष कुणाला घाम फोडणार?
चुरशीच्या लढतीत फटक्याची भीती
ज्या मतदारसंघात चुरशीच्या लढती होत असतात, प्रतिस्पर्धी उमेदवारांच्या मतांमध्ये जास्त अंतर नसते, अशा ठिकाणी ‘नोटा’च्या मतांचा फटका बसण्याची भीती असते. २०१९ च्या निवडणुकीत पाचोरा व मुक्ताईनगर मतदारसंघांत विजयी व पराभूत उमेदवारांच्या फरकाच्या आसपास ‘नोटा’ची मते होती. ही मते जर पराभूत उमेदवार आपल्याकडे वळवू शकले असते, तर चित्र वेगळे दिसले असते.
विधानसभेचा रणसंग्राम! राज्यात PM मोदींच्या सलग ८ दिवस सभा; तर अमित शहांच्या २०हून अधिक सभा, कसा असेल दौरा?
सन २०१९ मधील ‘नोटा’चे मतदान
जळगाव शहर- ४९९८
भुसावळ- ३२७७
जळगाव ग्रामीण- २३८२
चोपडा- २१७५
जामनेर– २१०५
एरंडोल- १९९५
रावेर- १९४६
मुक्ताईनगर- १८०६
पाचोरा- १७२४
चाळीसगाव- १६७७
अमळनेर- १५०३
एकूण- २५,५८८