‘तो’ दोन कोटींचा व्हायरल चेक ठरतोय कळीचा मुद्दा, धरणग्रस्तांना मोबदल्याची इतकीच रक्कम? चर्चेला उधाण

लघुपाटबंधारे योजना अहवाल तयार करण्यात आला

राज्याच्या ग्रामविकास आणि जलसंधारण लघुपाटबंधारे स्थानिक स्तर मंडळ ठाणे यांनी लघुपाटबंधारे स्थानिक स्तर उपविभाग माणगांव जि. रायगडच्या माध्यमातून २००८-२००९ दरम्यान तयार केलेल्या टिपणी अहवालानुसार पोलादपूर तालुक्यातील विविध धरणांबाबत देवळे लघुपाटबंधारे योजना, लोहारे लघुपाटबंधारे योजना, तुर्भे खोंडा लघुपाटबंधारे योजना, किनेश्वरवाडी लघुपाटबंधारे योजना, चांभारगणी महाळुंगे लघुपाटबंधारे योजना, कोतवाल लघुपाटबंधारे योजना, कोंढवी साठवण तलाव आणि बोरघर लघुपाटबंधारे योजना सुरू होण्यासंदर्भात अहवाल तयार करण्यात आला होता.
Solapur News : उबाठा गटाच्या उमेदवाराची मनोज जरांगेंशी भेट, बार्शीतील राजकीय समीकरणं बदलतील? चर्चांना उधाण

धरणाचं काम सुरू झाल्याचा दावा

त्यानंतर या धरणांच्या कामांच्या निविदा अथवा कोणतीही कार्यवाही सुरू नसताना कथित ठेकेदार आणि त्यावर काम करण्यासाठी महसूल विभागातील सेवानिवृत्त कर्मचारी अशी यंत्रणा कागदोपत्री हलवाहलव करत होती. मात्र, कोणत्याही योजनांचं प्रत्यक्षात काम सुरू झालं नसताना २०१८ मध्ये विधानसभा निवडणुकीपूर्वी जमिनी खरवडून माती काढण्यासोबतच दगडी आणि झाडं तोडून धरणाचं काम सुरू झाल्याचा दावा सुरू झाला होता.

प्रकल्पग्रस्त शेतकऱ्यांना मिळणाऱ्या मोबदल्याबाबत प्रशासकीय अधिकाऱ्यांसह बैठका झडल्या. या बैठकांचे फलीत काहीच निष्पन्न नसताना गौणखनिज उत्खनन आणि वनविभागाच्या नियमांची अवहेलना मोठया प्रमाणात होत राहिली. यासंदर्भातच, गेल्या कोविड-१९ नंतर कोतवाल धरणाबाबत सुधारित प्रशासकीय मान्यतेची चर्चा सुरू झाली. यानंतर परसुले पैठण पांगळोली धरणाच्या विरोध अनुकुलतेच्या चर्चाही तालुक्यात रंगल्या. यंदादेखील विधानसभा निवडणुकीपूर्वी तातडीने काही ग्रामस्थांच्या मागणीनुसार लघुपाटबंधारे धरणांचा प्रस्ताव करून नारळ फोडण्याचं काम मोठया आविर्भावात करण्यात आलं आहे.
लाडकी बहीण योजनेला ब्रेक, निधी वितरण थांबवण्याचे आदेश; कारण काय? पुढच्या हप्त्याबाबत महत्त्वाची अपडेट

अंशत: मोबदल्यापासून वंचित

मात्र, या सर्व पार्श्वभूमीवर ज्या शेतकऱ्यांना पाणी मिळायला हवं, त्यांना पाणी मिळणार की नाही तसंच ज्या शेतकऱ्यांना मोबदला मिळायला हवा तो मोबदला मिळणार की नाही, याबाबत संपूर्ण तालुक्यामध्ये वातावरण निर्माण झालं. लोहारे आणि अनेक ठिकाणी मोबदल्याची रक्कम सरकारी अधिकारी देऊ करतील, ती स्वीकारू नका, आपले सरकार आहे आपण अधिकाधिक मोबदला देऊ असे सांगून वाढीव मोबदल्याची आशा निर्माण करून अंशत: मोबदल्यापासूनही वंचित ठेवण्यात यश आले होते.
Devendra Fadnavis : फडणवीसांनी थेट २३ नोव्हेंबरचा निकालच सांगितला, राज्यात भाजपच्या इतक्या जागा येतील; केला मोठा दावा

बाधित शेतकऱ्यांना मोबदले देण्याची चर्चा

यंदाही पोलादपूर तालुक्यातील अनेक धरणांच्या शुभारंभाच्या चर्चा सुरू झाल्या. मात्र, शेतकऱ्यांना रस्ते, सभामंडप, सरकारी उपक्रम तसंच धरणांच्या उभारणीदरम्यान मोबदले मिळत नसल्याची चर्चा जोर धरू लागली होती. या चर्चांना पूर्णविराम देण्यासाठी जिल्हा जलसंधारण अधिकारी रायगड यांच्या स्वाक्षरीने महाड उपविभागीय अधिकारी यांना २ कोटी रूपयांचा चेक देऊन बाधित शेतकऱ्यांना मोबदले देण्यास सुरूवात होणार असल्याची चर्चा व्हायरल होत असल्याने सर्वच धरणबाधितांना मोबदले मिळणार की फक्त सतर्कतेने पाठपुरावा करणाऱ्या परसुले-पैठण-गोळेगणी धरणग्रस्तांनाच या अंशत: मोबदल्यांचा लाभ होणार की इतर काही याबाबत चेकवरून स्पष्टपणे संकेत प्राप्त होत नाही.

या चेकवर १६ ऑक्टोबर २०२४ अशी तारीख असल्याने आचारसंहितेपूर्वी हा चेक तयार झाला असण्याची शक्यता दिसून येत आहे. त्यामुळे बाधित शेतकऱ्यांना मोबदला वाटपाचं काम नवीन सरकार अस्तित्वात आल्यानंतरच होणार हे स्पष्ट असले, तरी ही रक्कम परसुले गोळेगणी पैठण धरणग्रस्तांसाठी मोबदला म्हणून ६ ते ८ कोटीपर्यंत असायला हवी होती, मात्र आता केवळ दोन कोटींचा चेक पुरेसा नसल्याची चर्चा सोशल मीडियावर होत आहे. काहींनी या चेकसंदर्भात वरिष्ठ अधिकाऱ्यांसोबत चर्चा केल्याची ऑडिओ क्लीपदेखील व्हायरल केली असून दोन कोटींची रक्कम आणि उर्वरित रक्कम नवीन सरकार अस्तित्वात आल्यानंतरच उपलब्ध होऊन वाटप होईल, अशी या ऑडिओ क्लिपमध्ये चर्चा होत आहे.

येत्या काळात धरणग्रस्तांच्या मोबदल्याबाबत राजकीय व्यासपीठावरून चर्चा सुरू झाल्यास या चेकमधील रकमेच्या आकड्याने चर्चा बंद होण्यासाठी प्रयत्न होऊ शकतील, तर आगामी विधानसभा निवडणूक जनतेच्या समस्यांवर निकाल देण्याची शक्यता निर्माण झाली आहे.