उदय सामंत ॲक्शन मोडवर, रत्नागिरीत ठाकरे गटाला मोठा धक्का; मतदारसंघात काय घडलं?

काय घडलं रत्नागिरी मतदारसंघात?

रत्नागिरी विधानसभेचे भाजपाचे माजी आमदार बाळ माने यांनी ठाकरे गटात प्रवेश केल्यावर त्यांना उद्धव ठाकरे यांनी त्यांना उमेदवारी दिली. या मतदारसंघातून उदय बने हे प्रबळ दावेदार मानले जात होते. शिवसेना नेते माजी खासदार अनंत गीते यांनीही उदय बने यांच्या उमेदवारीचे सूतोवाच अनेकदा यापूर्वी केलं होतं. उदय बने हे जिल्ह्यातील शिवसेनेचे ज्येष्ठ नेते आहेत. ही उमेदवारी देताना आम्हाला विश्वासात घ्यायला हवं होतं, मात्र आम्ही ठाकरेंचे निष्ठावान कार्यकर्ते होतो, मात्र त्याचं फळ आम्हाला मिळालं, अशा स्वरूपाची प्रतिक्रिया त्यांनी दिली होती.
Supriya Sule : पक्षासोबतच पवारांच्या पाडव्यातही फूट? पवार कुटुंबासाठी महत्त्वाचा दिवस, सुप्रिया सुळे म्हणाल्या…
त्यामुळे अपक्ष म्हणून रिंगणात असलेले उदय बने यांच्या भूमिकेकडे अनेकांचे लक्ष लागून राहिलं आहे. त्यामुळे निवडणुकीच्या रिंगणात असलेले उद्धव बाळासाहेब ठाकरे पक्षाचे उमेदवार आमदार बाळ माने यांना राजकीयदृष्ट्या रोखण्यासाठी उदय सामंत आणि त्यांचे पदाधिकारी जोमाने सक्रिय झाले असून उदय सामंत यांनी गेल्या काही दिवसात ठाकरे गटाच्या अनेक पदाधिकाऱ्यांना मुख्यमंत्री एकनाथ शिंदे यांच्या शिवसेनेत पक्षप्रवेश करून घेत ठाकरे गटाला मोठे धक्के देण्याची रणनीती आखल्याचे दिसत आहे.

या महिला पदाधिकारी कार्यकर्त्यांचा शिंदे गटात प्रवेश

यावेळी उबाठा उपजिल्हा महिला संघटक संध्या कोसुमकर, विभाग प्रमुख गीता शिंदे यांच्यासह शुभांगी जोशी, शिल्पा दुडे, प्रतिभा उतेकर, शलाखा मांडवकर, रुचिता डेपसे, रोहिणी नलावडे श्रद्धा झगडे रुपाली धामनस्कर, राजश्री सावंत, श्वेता फाळके, दीपाली जाधव, धनश्री कुष्टे, संस्कृती नागवेकर, संचिता कदम, आरती सावंत, शुभांगी पवार, वैशाली वालम, मुमताज मस्कर, आसिया साखरकर, हनिफा मिरकर, आरिफा पावसकर, जुबेदा बुडिए, साखिफ पावसकर, रुक्साना चाहूस, रेश्मा बोरनकर, रिया कोसुमकर, प्रियांका कोसुमकर, प्रियांका फडतडे, आरोही पवार, फातिमा मिरकर, हालिमा मस्तान, नसीमा मस्तान, बक्षूनिसा बुडिए, निलीफर फणसोपकर, मिसबा उतेकर, पर्विणा दरवेश, तस्सिया मुस्कान मस्कर, सोना गवळी यांनी आज शिवसेनेत प्रवेश केला आहे.