सुपा टोलनाक्याजवळ गाडी अडवली, २३.७१ कोटींचे सोने-हिऱ्याचे दागिने जप्त, विधानसभेपूर्वी खळबळ

सोने, चांदी, हिरे, मोत्याच्या दागिन्यांचा पंचनामा करुन, इतर कार्यवाही करुन दागिने आयकर विभागाच्या ताब्यात देण्यात आले आहेत. सुपा पोलिसांनी गोल्ड व्हॅल्युअर आणि कंपनीच्या प्रतिनिधींसमोर यासंबंधीचा १५ पानी पंचनामा केला.

कारवाईतील सोन्या-चांदीच्या विटांसह इतर सोने, हिऱ्याचे दागिने आयकर विभागाकडे जमा केले आहेत. बिलांची खात्री केल्यानंतर पुढील कारवाई करण्यात येणार असल्याची माहिती देण्यात आली आहे.

बीव्हीसी लॉजिस्टिक कंपनीचे कर्मचारी चालक शांतकुमार कट्टीवल्ली, भय्यासाहेब बनसोडे, दिगंबर काजळे, बीव्हीसी लॉजिस्टिक कंपनीचे असिस्टंट मॅनेजर गोरख भिंगारदिवे या चौघांना चौकशीसाठी ताब्यात घेण्यात आले आहे.
Raj Thackeray : गेम फिरला! महायुतीची अडचण, मनसेची उमेदवारी मागे घेण्याचा मेसेज, राज ठाकरेंच्या भेटीनंतर ‘इंजिन’ यार्डात
या कारवाईत चांदीची चाळीस किलोची वीट आढळून आली. सोन्याची बिस्किटे, तर एकूण ५३ किलो चांदी, हिरे-मोत्यांचे दागिने ताब्यात घेतले आहेत. मुंबई येथील झवेरी बाजार येथून जीपमधून सोने-चांदी आणि हिरे, मोत्याचे दागिने घेऊन बीव्हीसी लॉजिस्टिक कंपनीचे कर्मचारी अहिल्यानगर, छत्रपती संभाजीनगर, नांदेड, जळगाव या ठिकाणी चालले होते.

दरम्यान तपासणीत १४ अधिकृत पावत्याही आढळून आल्या. वाहनासोबत असलेल्या वाहतूक कंपनीच्या कर्मचाऱ्यांकडे मौल्यवान वस्तूंची वाहतूक करण्याचा परवाना नव्हता. सोन्याची वाहतूक नेमकी कुठून कुठे केली जात आहे, याबाबत वेगवेगळी माहिती वाहतूक कंपनीच्या कर्मचाऱ्यांकडून दिली जात होती. या कारवाई एकच खळबळ उडाली आहे.
Eknath Shinde : राज ठाकरेंना रणनीती विचारलेली, त्यांनी परस्पर उमेदवारच दिला, माहीममध्ये माघार नाही, शिंदेंची स्पष्टोक्ती

अलिबागमध्ये पैशांचा पाऊस

दुसरीकडे, अलिबाग नजीकच्या गोंधळपाडा रस्त्यावर बुधवारी अक्षरशः पैशांचा पाऊस पडला होता. मात्र या पैशांचे मालक कोण हे मात्र समजू शकले नव्हते. यावेळी त्या रस्त्यावरून जाणाऱ्या नागरिकांची शब्दशः दिवाळी झाली. कारण अवघ्या काही मिनिटांत या रस्त्याने जाणाऱ्यांनी पडललेले पैसे उचलून नेल्याचे सांगण्यात आले. हजारो रुपये घेऊन वाटसरु पसार झाले होते.