तो कार्यकर्ताच नाही! शहांचा ‘तो’ किस्सा भाजप नेतेच विसरले; समजूत काढताना फडणवीसांची दमछाक

भाजपनं बहुतांश आमदारांना पुन्हा संधी दिली. त्यामुळे आता त्यांच्या मतदारसंघातील इच्छुक नाराज झाले आहेत. त्यांची समजूत काढताना आता फडणवीसांची त्रेधा उडाली आहे. माजी खासदार संजय काकडे, धीरज घाटे, श्रीनाथ भिमाले, सनी निम्हण यांच्या घरी जाऊन फडणवीसांनी त्यांची नाराजी दूर करण्याचा प्रयत्न केला. या नेत्यांनी नाराजी विसरुन कामाला लागावं, यासाठी फडणवीसांनी त्यांची मनधरणी केली. नाराजांना शांत करण्यासाठी फडणवीस अचानक पुण्याच्या दौऱ्यावर गेले.
BJP-MNS: माहीमसह अनेक जागांवर भाजप-मनसेची छुपी युती? सेनेच्या उमेदवारांना भीती; शिंदेंचं नुकसान किती?
संजय काकडे, धीरज घाटे कसब्यातून इच्छुक होते. पण भाजपनं इथून पोटनिवडणुकीत पराभूत झालेल्या हेमंत रासने यांनाच संधी दिली. त्यामुळे दोघेही नाराज आहेत. पैकी संजय काकडे शरद पवारांच्या राष्ट्रवादीत जाणार असल्याची चर्चा आहे. त्यामुळे कसब्यात भाजपच्या रासनेंना अडचण होण्याची शक्यता कमी आहे. त्यामुळे फडणवीस यांना दोन्ही नेत्यांची भेट घेतली.
Manoj Jarange Patil: खोला ते! शिंदेंचा आमदार खोका घेऊन जरांगेंच्या भेटीला; पाटलांनी लगेच उघडायला लावला अन् मग…
शिवाजीनगर मतदारसंघातून आमदार सिद्धार्थ शिरोळे यांना पुन्हा संधी देण्यात आलेली आहे. त्यामुळे सनी निम्हण नाराज आहेत. पर्वतीमधून माधुरी मिसाळ यांना पुन्हा तिकीट देण्यात आलं आहे. त्यामुळे इच्छुक असलेले श्रीनाथ भिमाले, राजेंद्र शिलीमकर नाराज आहेत. फडणवीस यांनी यादेखील नेत्यांची भेट घेतली आहे.

शहांचा किस्सा सारेच विसरले
मी ३५ वर्षांचा असताना पक्षानं माझं तिकीट कापलं होतं. त्यावेळी मी नाराज झालो होतो, असा किस्सा शहांनी उमेदवार जाहीर करण्यापूर्वी भाजप नेत्यांना सांगितला होता. मी नाराज झालेलो तेव्हा माझी समजूत काढायला पक्षाचे अध्यक्ष कुशाभाऊ ठाकरे आले होते. नाराज असशील तर प्रचाराला येऊ नकोस. कारण दु:खी मनानं कधीही चांगली कामं होतं नाहीत. ज्याची समजूत काढायला घरी जावं लागतं, तो कार्यकर्ताच नाही, असं म्हणत शहांनी एकप्रकारे इच्छुकांच्या मनाची तयारी केली होती. पण भाजपचे बरेचसे नेते हा किस्सा विसरलेले दिसत आहेत.