लाडकी बहीण योजना गेमचेंजर ठरणार? सी-व्होटर सर्व्हेमध्ये महाविकास आघाडीसाठी खुशखबर, जनतेचा कल कुणाकडे?

सर्व्हेमध्ये मुख्यमंत्र्यांना पहिली पसंती

यादरम्यान, मुख्यमंत्री एकनाथ शिंदे यांच्यासाठी चांगली बातमी आहे. मुख्यमंत्र्यांना लोकांची मोठी पसंती मिळत असून त्यांनी पसंतीच्या बाबतीत उद्धव ठाकरेंना मागे टाकलं आहे. एकनाथ शिंदे उपमुख्यमंत्री देवेंद्र फडणवीस यांच्याही पुढे आहेत.
Rohit Pawar : साहेबांनी पाडवा सुरू केला, त्यांचं बोट धरून अजितदादा आले; आता शरद पवार जिथे उभे राहतात, तिथेच लोक भेटायला जातात

सर्वसामान्य सरकार बदलण्याच्या मनस्थितीत

सर्व्हेमध्ये मुख्यमंत्रीपदासाठी दुसरी पसंती असलेल्या उद्धव ठाकरेंसाठीही आनंदाची बातमी आहे. कारण एकनाथ शिंदे यांच्या सरकारने आणलेली लाडकी बहीण योजना लोकप्रिय योजना असूनही सर्वसामान्य जनता सरकार बदलण्याच्या मनस्थितीत असल्याचं दिसत आहे.

सी-व्होटर सर्वेक्षणात महत्त्वाची बाब समोर आली आहे. अजित पवार यांच्याशी युती केली नसती तर भाजपची कामगिरी अधिक चांगली झाली असती, असं ४९ टक्के लोकांचं मत असल्याचं समोर आलं आहे. तर राष्ट्रवादीसोबत युती केल्यास भाजपला फायदा होईल, असं ३६ टक्के लोकांचं मत आहे.
Devendra Fadnavis : फडणवीसांनी थेट २३ नोव्हेंबरचा निकालच सांगितला, राज्यात भाजपच्या इतक्या जागा येतील; केला मोठा दावा

मुख्यमंत्र्यांच्या विकास मॉडेलमुळे संतृष्ट, पण हे सरकार पसंत नाही

सी-व्होटर सर्व्हेमध्ये मुख्यमंत्री एकनाथ शिंदे यांना पहिली पसंती असती, तरी सर्व्हेनुसार, ५१ टक्के लोक शिंदे सरकारच्या कामामुळे नाखुश आहेत आणि त्यांना सरकार बदलायचं आहे. तर ४१ टक्के लोकांनी महायुती सरकारला चांगलं म्हणत त्यांचं कामाचं कौतुक केलं आहे.

या सर्व्हेमध्ये मोठा विरोधाभास पाहायला मिळाला. विकासाच्या मुद्द्यावर ५२.२ टक्के लोकांनी शिंदे सरकारचं कौतुक केलं आहे. २१.५ टक्के लोकांनी सरासरी मत दिलं आहे तर २३ टक्के लोकांनी शिंदे सरकारचं विकास कार्य पसंत नसल्याचं म्हटलं आहे. २५ टक्के लोक बेरोजगारी, १९ टक्के लोक शेतकऱ्यांचे मुद्दे आणि १६ टक्के लोकांनी महागाईचा मुद्दा निवडणुकीसाठी उचलून धरला आहे.
उबाठा गटाचे सामुहिक राजीनामे ना मंजूर, निष्ठावंतांनी एकत्र येऊन गद्दार पोपटाचा डोळा फोडा मातोश्रीवरुन आदेश

लाडकी बहीण योजना गेमचेंजर ठरणार?

एकनाथ शिंदे यांच्या लाडकी बहीण योजनेला ४५ टक्क्यांहून अधिक लोकांनी गेमचेंजर मानलं आहे. महाशेतकरी योजना १५ टक्के आणि ज्योतिबा फुले योजनेला ७.६ टक्के लोकांनी समर्थन दिलं आहे.

लाडकी बहीण योजनेला मोठा प्रतिसाद असला, तरी महत्त्वाची बाब म्हणजे २३ टक्के लोकांनी मराठा आरक्षणाच्या मुद्द्यामुळे निवडणुकीवर परिणाम होऊ शकतो असं म्हटलं आहे. १२ टक्के लोकांनी ते मोदी सरकारच्या कामकाजाच्या आधारे निर्णय घेण्याचं म्हटलं आहे. तर ६ टक्के लोकांनी महिला सुरक्षेचा मुद्दा उचलून धरला आहे. सर्व्हेमध्ये रस्ते, वीज, पाणी असे मुद्दे मागे पडले असल्याचं दिसलं आहे. दरम्यान, निवडणूक आयोगाकडून राज्यात २० नोव्हेंबर रोजी २८८ जागांसाठी मतदान होणार आहे. तर २३ नोव्हेंबर रोजी मतमोजणी होणार आहे. मतमोजणीनंतर राज्यातील जनतेने कोणाला निवडून दिलं हे ठरेल आणि नवं सरकार स्थापन होईल.