खोला ते! शिंदेंचा आमदार खोका घेऊन जरांगेंच्या भेटीला; पाटलांनी लगेच उघडायला लावला अन् मग…

आमदार असलेल्या सुहास कांदे यांना मुख्यमंत्री एकनाथ शिंदेंनी पुन्हा उमेदवारी दिली आहे. पण मंत्री आणि राष्ट्रवादी काँग्रेसचे नेते छगन भुजबळ यांचे पुतणे समीर भुजबळ यांनी बंडखोरी केल्यानं कांदे अडचणीत आले आहेत. समीर भुजबळ यांनी राष्ट्रवादी काँग्रेसमधील पदांचा राजीनामा देत अपक्ष अर्ज भरला आहे. त्यांच्या उमेदवारीनं कांदे यांची गोची झालेली आहे. त्यातच सुहास कांदे नावाचा अपक्ष उमेदवार रिंगणात आल्यानं शिंदेसेनेच्या आमदाराच्या समस्यांमध्ये भर पडली आहे. या सगळ्या पार्श्वभूमीवर कांदेंनी अंतरवाली सराटीत मनोज जरांगेंचा भेट घेतली.
Ajit Pawar: दादांनी किस्सा सांगितला; फडणवीस, मोदींसह संपूर्ण भाजप गोत्यात; सेल्फ गोल्फनं आयतं कोलीत
भुजबळांचे दोन कट्टकर विरोधक भेटत असल्यानं कांदे आणि जरांगेंची भेट चर्चेत राहिली. कांदे यांच्यासोबत असलेल्या कार्यकर्त्यांनी जरांगे यांना नमस्कार केला. त्यानंतर कांदेंनी त्यांच्या खांद्यावर भगवी शाल देत सत्कार केला. मग पुष्पगुच्छ देण्यात आला. सर्वात शेवटी कांदे जरांगेंना एक खोका द्यायला गेले. हा खोका सर्वात लक्षवेधी ठरला. खोका पाहताच जरांगेंनी हात जोडले. त्यांनी तो नाकारला.
Maharashtra Election 2024: कोणाचं सरकार येणार? ७५ जागा सत्ताकारणाचा फैसला करणार; CMपदाचा विषयही मार्गी लागणार
हारतुरे, सत्कार सन्मान झाल्यावर जरांगेंनी खोक्याकडे पाहत खोला ते म्हटलं. त्यानंतर कांदे आणि त्यांच्या सहकाऱ्यांनी मिळून तो खोका उघडला. कांदेंनी आणलेला खोका महागडा दिसत होता. तो उघडण्यात आला, तेव्हा त्यात ड्रायफुट्स होते. ते पाहून जरांगे यांच्यासह सगळेच उपस्थित हसले. यानंतर जरांगे आणि कांदे शेजारी बसले. त्यांच्यात काही वेळ चर्चा झाली.

२०१९ मध्ये सुहास कांदेंनी सेनेच्या तिकिटावर लढताना राष्ट्रवादीच्या समीर भुजबळांचा पराभव केला होता. आता महायुतीकडून शिंदेसेनेचे सुहास कांदे, ठाकरेसेनेकडून हेमंत धात्रक मैदानात आहेत. तर समीर भुजबळ अपक्ष म्हणून रिंगणात आहेत. विशेष म्हणजे हे तिघेही ओबीसी समुदायातून येतात. त्यामुळे ओबीसी मतांची फाटाफूट होणार आहे. अशा परिस्थितीत मराठा मतं निर्णायक ठरतील. त्यांचीच जुळवाजुळव करण्यासाठी कांदेंनी जरांगेंची भेट घेतली का, अशी चर्चा रंगली आहे.