तिकीट न मिळाल्याने काँग्रेस सोडली, वाजतगाजत पक्षप्रवेश, पाच दिवसात पुन्हा ‘हात’ हाती

नागपूर शहरातील मध्य नागपूर विधानसभा मतदारसंघातून तिकीट न मिळाल्यामुळे नाराज झालेल्या अनिस अहमद यांनी २८ ऑक्टोबर रोजी डॉ. प्रकाश आंबेडकर यांच्या उपस्थितीत वंचित बहुजन आघाडीत प्रवेश केला होता.

दोन मिनिटांनी घात झाला

अनीस अहमद मध्य नागपूर मतदारसंघातून निवडणुकीच्या रिंगणात उतरल्यामुळे इथे तिरंगी लढत अपेक्षित होती. मात्र अवघी दोन मिनिटं उशीर झाल्याने अनिस अहमद यांना आपला उमेदवारी अर्ज दाखल करता आला नव्हता.
Raj Thackeray : गेम फिरला! महायुतीची अडचण, मनसेची उमेदवारी मागे घेण्याचा मेसेज, राज ठाकरेंच्या भेटीनंतर ‘इंजिन’ यार्डात
नागपुरातील निवडणूक निर्णय अधिकारी यांच्या कार्यालयाबाहेर पाच तास ते तिष्ठत थांबले होते, रात्री आठ वाजल्यानंतर अनिस अहमद बाहेर आले आणि त्यांनी आपल्यासोबत घडलेला प्रकार जड अंतःकरणाने सांगितला.

तिरंगी लढत नाहीच

मध्य नागपूरच्या जागेवर महायुतीतर्फे भाजपकडून प्रवीण दटके आणि महाविकास आघाडीकडून काँग्रेसचे बंटी शेळके यांच्यात थेट लढत होणार आहे. अनिस अहमद यांचा निवडणूक रिंगणात प्रवेश झाल्याने उत्सुकता वाढली होती, परंतु आता थेट दोन उमेदवारांमध्ये स्पर्धा निर्माण झाली आहे. अनीस अहमद यांनी निवडणूक लढवण्याचा निर्णय घेतल्याने चर्चा सुरु झाल्या होत्या. मात्र ते उमेदवारी दाखल करु शकले नाहीत. अखेर त्यांनी पक्षात पुनरागमन केले आहे.
Arvind Sawant : मातोश्रीवरुन मेसेज, अरविंद सावंतांनी ‘माल’ संदर्भातील वाद तातडीने संपवला, पीसी संपताच ताडकन उठले

मुस्लिम समाजावर अन्याय केल्याचा आरोप

मध्य नागपूरच्या जागेवर मुस्लिम उमेदवार न दिल्याबद्दलही अहमद यांनी काँग्रेसवर निशाणा साधला होता. त्यांच्या मते या जागेवर निर्णायक भूमिका बजावणाऱ्या मुस्लिम समाजाचा उमेदवार न दिल्यामुळे काँग्रेस पक्षाने समाजावर अन्याय केला होता. मंगळवारी अनेक उमेदवारांनी अर्ज दाखल केले मात्र चर्चा बहुतांशी अनिस अहमद यांच्या उमेदवारीचीच राहिली होती.