Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Nashik Vidhan Sabha Shivsena: दोन विधानसभा मतदारसंघांत मुख्यमंत्री एकनाथ शिंदेंनी अजितदादांच्या उमेदवारांविरोधात आपले शिलेदार रिंगणात उतरवले आणि नामांकन दाखल करण्याची मुदत संपायच्या काही तास आधी तातडीने एबी फॉर्म पाठवले होते. मात्र शिंदेंच्या या दोन्ही उमेदवारांना अर्ज माघारी घेण्याच्या शेवटच्या दिवशी निवडणुकीतून माघार घेण्यास सांगण्यात आले आहे.
राष्ट्रवादीच्या देवळालीच्या उमेदवार सरोज अहिरे यांच्याविरोधात शिंदेंच्या शिवसेनेकडून राजश्री अहिरराव यांना एबी फॉर्म देण्यात आला. तर दिंडोरीचे उमेदवार नरहरी झिरवाळ यांच्याविरोधात शिंदेंनी धनराज महाले यांनी एबी फॉर्म दिला होता. मात्र, दोन्ही उमेदवारांना शिवसेना पक्षाकडून ऐनवेळी उमेदवारी अर्ज मागे घेण्यास सांगण्यात आले आहे.
अन्याय टोकाला गेला की गप्प बसायचं नसतं! ‘खऱ्या लाडक्या बहिणी’चा बॅनर लागला, शहरात एकच चर्चा
देवळाली विधानसभा मतदारसंघात राजश्री अहिरराव यांना शिंदेगटाकडून देण्यात आलेली उमेदवारी रद्द करण्यासाठी पक्षाकडून अधिकृतरित्या निवडणूक आयोगाला पत्र देण्यात आले आहे. माजी खासदार हेमंत गोडसे आणि जिल्हाप्रमुख विजय करंजकर यांच्याकर्वी हे पत्र पाठवण्यात आले. उमेदवार प्रत्यक्ष उपस्थित राहू शकल्याने उमेदवारी रद्द करण्यात यावी, अशी पक्षाने पत्राद्वारे विनंती केली आहे.
तर दुसरीकडे शिंदेंच्या शिवसेनेचे दिंडोरीचे उमेदवार धनराज महाले यांनीही अखेर माघार घेतली आहे. मुख्यमंत्र्यांनी माघारीचे आदेश दिल्यानंतर काल संध्याकाळपासून धनराज महाले नॉट रीचेबल असल्याचे समजते. महालेंनी आयोगाला पत्र पाठवून धनराज महाले यांनी निवडणुकीतून माघार घेतली. नामांकन दाखल भरण्याच्या शेवटच्या दिवशी अर्धा तास अगोदर धनराज महालेंसाठी खास विमानातून एबी फॉर्म पाठवण्यात आला होता. आता धनराज महालेंनी एक पाऊल मागे घेतल्याने अजित पवार गटाचे उमेदवार नरहरी झिरवाळ यांच्या वाटेतील अडथळा दूर झाला आहे. परंतु शिवसेनेचे धनराज महाले अद्यापही नॉट रीचेबल आहेत.
याबाबत माजी खासदार हेमंत गोडसेंनी भूमिका स्पष्ट केली आहे, राजश्री अहिरराव यांचा आज उमेदवारी रद्द करण्याचा पक्षाने आदेश होता. त्यांना अर्ज माघारी घेण्यासाठी उपस्थित राहता आलेले नाही त्यामुळे पक्षाने निवडणूक अधिकाऱ्यांना पत्रामार्फत कळवलेले आहे. म्हणून पक्षाने जे काही पत्र या ठिकाणी काढलं ते ग्राह्य धरून त्यांची माघार याठिकाणी समजली जावी.