योगी आदित्यनाथ यांच्या सभास्थळाहून परतताना पोलीस कर्मचाऱ्यासोबत घडला अनर्थ; कुटुंबावर दु:खाचा डोंगर

मृत्यू झालेले संदीप चौधरी हे चांदूरबाजार पोलीस स्टेशनला कार्यरत होते. आज बुधवारी गुरुकुंज मोझरी येथे उत्तर प्रदेशचे मुख्यमंत्री योगी आदित्यनाथ यांच्या नियोजित सभेसाठी मोठा पोलीस बंदोबस्त तैनात करण्यात आला होता. दरम्यान बंदोबस्तावरुन आपल्या दुचाकीने परत येत असताना अमरावतीवरुन नागपूरकडे जाणाऱ्या एमएच ४० सीएम ५८५१ क्रमांकाच्या भरधाव एसटी बसखाली चिरडून त्यांचा घटनास्थळी दुर्दैवी मृत्यू झाला. घटनेची माहिती मिळताच पोलीस अधिकारी, कर्मचारी घटनास्थळी दाखल झाले होते. या घटनेनंतर परिसरात हळहळ व्यक्त केली जात आहे.