देवाभाऊ, मुंब्र्यात शिवरायांचं मंदिर बांधणं कठीण वाटतंय, मग..; ठाकरेंचा हल्ला, शिंदेंना टोला

‘शिवाजी महाराजांचं नाव काढल्यानंतर यांच्या अंगाची लाहीलाही होते. शिवरायांची मंदिरं जिल्ह्याजिल्ह्यात बांधणार म्हटल्यावर देवाभाऊ बोलले, त्यांनी मला आव्हान दिलं, तुमच्यात हिंमत असेल तर मुंब्र्यात शिवाजी महाराजांचं मंदिर बांधून दाखवा. अहो देवाभाऊ, जाऊ तिथे खाऊ, आधी मुंब्र्यात जा आणि तिथल्या प्रवेशद्वारावर शिल्प आहे ना ते पाहा. शिवाजी महाराज तिकडे आहेत, जिजाऊ आहेत, तुकाराम महाराज आहेत, सावित्रीबाई फुले आहेत. हे सगळं तिथे आहे. एकदा जाऊन बघा,’ असं प्रत्युत्तर ठाकरेंनी दिलं.
लाडकी बहिणला मविआकडून महालक्ष्मीनं उत्तर; दर महिन्याला किती पैसे मिळणार? ५ गॅरंटीही जाहीर
फडणवीस यांनी दिलेल्या आव्हानावर बोलताना ठाकरेंनी मुख्यमंत्री एकनाथ शिंदेंचाही समाचार घेतला. ‘मुंब्रा ठाणे जिल्ह्यात येतो. ज्या जिल्ह्यातून तुम्ही आमच्यातला गद्दार फोडलात आणि मुख्यमंत्री म्हणून डोक्यावर बसलात, त्याच्या जिल्ह्यात छत्रपती शिवाजी महाराजांचं मंदिर बांधणं अवघड वाटत असेल तर त्या गद्दाराला डोक्यावर घेतलात कशाला? त्याला डोक्यावर घेऊन नाचलात कशाला?,’ असे सवाल ठाकरेंनी फडणवीस यांना विचारले.
पुढील ३६ तासांच्या आत..; घड्याळ चिन्हावरुन अजितदादा गटाला ‘सर्वोच्च’ आदेश; कोर्टात काय घडलं?
गेल्या महिन्याभरात अदानींसाठी सरकारनं अनेक जीआर काढले. मुंबईतील बरीच जमीन त्यांच्या घशात घातली. महाविकास आघाडी सरकार आल्यानंतर सरकारनं अदानीच्या फायद्यासाठी काढलेले सगळे टेंडर आम्ही रद्द करणार आहोत. धारावीचा मुद्दा आपल्या वचननाम्यामध्ये असणार आहे, असं ठाकरे म्हणाले.

मुंबईकर जनता जागरुक आहे. लोकसभा निवडणुकीत तिनं महाविकास आघाडीच्या बाजूनं कौल दिला. सहापैकी पाच जागा आपण जिंकलो. त्यातील एक जागा चोरी करुन ते जिंकले. त्याच्यानंतर झालेली पदवीधर आपण जिंकलो, शिक्षक आमदारकीची जागा आपण जिंकलो, सिनेट जिंकलो. मुंबईकरांचे आशीर्वाद असेच आमच्यासोबत राहतील असा विश्वास ठाकरेंनी व्यक्त केला.