फटाक्याच्या आवाजाने दीड महिन्याचं लेकरु घाबरलं, दोघांमध्ये वाद, काही क्षणात होत्याचं नव्हतं

By tejpolicetimes On Nov 6, 2024

Chhatrapati Sambhajinagar Crime: या वादात अर्शदने एजाज यांच्या डोक्यात दगड घातला. रक्तबंबाळ अवस्थेत जमिनीवर पडलेल्या एजाज यांना सहा जण बेदम मारहाण करत होते.

हायलाइट्स:
दीड महिन्याचं लेकरु फटाक्याच्या आवाजाने घाबरलं
यामुळे शेजाऱ्यांसोबत वाद, तरुणाची हत्या
छत्रपती संभाजीनगर येथील धक्कादायक घटना

महाराष्ट्र टाइम्स.कॉम

छत्रपती संभाजीनगर क्राइम बातम्या

छत्रपती संभाजीनगर : संभाजीनगरमध्ये दिवाळी सणात शहरात ठिकठिकाणी उफाळून आलेल्या वादातून हाणामारी, २१ घटनांमध्ये चाकूने हल्ला करण्यात आला. तर हिनानगरमध्ये सहा जणांनी मिळून एका तरुणाची हत्या केली. चिकलठाण्याच्या हिनानगरमध्ये राहणाऱ्या इरफाना आयास शेख (वय ३६) यांच्या घरासमोर राहणारे परवीन शेख यांच्या कुटुंबातील मुले ३ नोव्हेंबर रोजी रात्री फटाके वाजवत होती. त्या आवाजामुळे इरफाना यांचा दीड महिन्याचा नातू घाबरत होता. त्यातून इरफाना आणि परवीन यांच्यात वाद झाले. या प्रकरणी दोघीही एमआयडीसी सिडको पोलिस ठाण्यात तक्रार देण्यासाठी गेले. तेथे त्यांच्यात तडजोड देखील झाली, परंतु घरी येऊन परवीनाच्या कुटुंबाने इरफाना यांच्या घरातील सदस्यांना मारहाण सुरू केली.परवीनाचे भाऊ सलमान पठाण, अर्शद उर्फ आदा पठाण, अझहर पठाण यांनी इरफाना यांचा भाऊ एजाज गणी शेख यांना मारहाण सुरू केली. परवीना, तिची आई मेहरुनिसा, मुलगी जवेरिया शेख यांनी देखील मारहाण सुरू केली. या वादात अर्शदने एजाज यांच्या डोक्यात दगड घातला. रक्तबंबाळ अवस्थेत जमिनीवर पडलेल्या एजाज यांना सहा जण बेदम मारहाण करत होते. त्यातच त्यांच्या डोक्यात पुन्हा लोखंडी रॉडने वार करताच एजाज बेशुद्ध झाले. त्यांना मिनी घाटीत दाखल केले. तोपर्यंत त्यांचा मृत्यू झाला होता. एजाज करमाड तालुक्यात शेती करत होते. निरीक्षक गजानन कल्याणकर, सहायक निरीक्षक भारत पाचोळे यांनी सहा मारेकऱ्यांना अटक केली. उपनिरीक्षक जगन्नाथ मेंदकुदळे अधिक तपास करत आहेत.

Nanded News: नांदेडमध्ये PM नरेंद्र मोदींची तोफ धडाडणार, सहानुभूतीच्या लाटेत पंतप्रधानांची जादू चालणार?

बॉयफ्रेण्डचा कारनामा पाहून पोलीसही हादरले

दरम्यान, गावातील तरुणीवर प्रेम असल्याने तिला सोबत पळवून नेले. प्रेयसीच्या घरचे आपला शोध घेतील. आपल्याला सोडणार नाहीत. या भीतीने तरुणाने फिल्मी स्टाइलने स्वत:च्याच मृत्यूचा बनाव केला. त्याच्या ओळखीचा दुसऱ्या गावातील तरुणाचा खून करून त्याच्या कपड्यात स्वत:चे ओळखपत्र ठेवले. त्याची ओळख पटू नये यासाठी त्याचा चेहऱ्यासह शरीराचे इतर भाग जाळले. या प्रकरणाचा तपास करून स्वत:च्या खुनाचा बनाव करणाऱ्या मुख्य आरोपी महेश रमेश माटे (वय २०) याच्यासह त्याचा साथीदार किशोर रमेश बर्डे (वय २३, दोघेही रा. वझर) या दोघांना स्थानिक गुन्हे शाखा व गंगापूर पोलिसांनी ताब्यात घेतले.

लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा

Source link