नांदेडमध्ये PM नरेंद्र मोदींची तोफ धडाडणार, सहानुभूतीच्या लाटेत पंतप्रधानांची जादू चालणार?

लोकसभा पोटनिवडणुकीसाठी काँग्रेसकडून खासदार वसंत चव्हाण यांचे सुपुत्र प्रा. रविंद्र चव्हाण आणि भाजपकडून जिल्हाध्यक्ष डॉ संतुकराव हंबर्डे मैदानात आहेत. या दोन्ही उमेदवारांची ही पहिली निवडणूक आहे. तेव्हा लोकसभा पोटनिवडणूक आणि विधानसभा निवडणुकीसाठी पंतप्रधान नरेंद्र मोदी यांची येत्या शनिवारी जाहीर सभा होणार आहे. याशिवाय केंद्रीय गृहमंत्री अमित शाह, नितीन गडकरी, देवेंद्र फडणवीस यांच्यासह भाजपचे अनेक दिग्गज नेत्यांची नांदेडमध्ये सभा होणार आहे. तर काँग्रेकडून मल्लिकार्जुन खर्गे, राहुल गांधी, प्रियंका गांधी यांची सभा होणार असल्याची माहिती आहे. दरम्यान, नांदेडमध्ये आतापर्यंत जेवढ्या पोटनिवडणुका झाल्या, त्यात सहानुभूतीची लाट पहायला मिळाली. स्व.वसंत चव्हाण यांच्या निधनाने देखील जिल्ह्यात सहानुभूती लाट आहे. अशा परिस्थितीत पंतप्रधान नरेंद्र मोदी यांची जादू चालणार की काँग्रेसला सहानुभूतीच्या लाटेचा फायदा होणार याकडे राज्याचं लक्ष लागलं आहे.