बॉलिवूडच्या कलाकारांना जमलं नाही तरे मराठी कलाकार करणार ? या हटके सिनेमांची प्रेक्षकांना उत्सुकता

उत्सुकता शिगेला
‘मु. पो. बोंबिलवाडी’ हा परेश मोकाशी यांचा मल्टीस्टारर सिनेमा आहे. याच नावाच्या नाट्यसंहितेवर आधारित या सिनेमात प्रशांत दामले आणि आनंद इंगळे हे हिटलर व चर्चिलच्या भूमिकेत दिसतील. दुसरीकडे संगीतप्रेमींना लक्षात ठेवून, सुबोध भावे दिग्दर्शित ‘संगीत मानापमान’ सिनेमाविषयी उत्सुकता शिगेला पोहोचली आहे. विशेष म्हणेज या सिनेमात एकूण १४ गाणी असून त्यांना १६ दिग्गज गायकांनी आवाज दिला आहे. इतकंच नव्हे तर, त्यातले सात गायक हे राष्ट्रीय पुरस्कार विजेते आहेत. त्यामुळे हा चित्रपट म्हणजे अद्वितीय गायकांनी सजवलेली मैफल असेल.

० येत्या तिमाहीतील मराठी सिनेमे

पाणीपुरी- मकरंद देशपांडे

रानटी- शरद केळकर, संतोष जुवेकर

गुलाबी- अश्विनी भावे, मृणाल कुलकर्णी, श्रुती मराठे

धर्मरक्षक महावीर छत्रपती संभाजी महाराज- ठाकूर अनुप सिंग, अमृता खानविलकर, किशोरी शहाणे

हजारवेळा शोले पाहिलेला माणूस- सिद्धार्थ जाधव

जर्नी- शंतनु मोघे

महापरिनिर्वाण- प्रसाद ओक

मु.पो. देवाच घर- पूजा सावंत

हॅशटॅग तदेवलग्नम- सुबोध भावे, तेजश्री प्रधान

बंजारा- भरत जाधव, सुनील बर्वे, शरद पोंक्षे

मु. पो. बोंबिलवाडी- प्रशांत दामले, आनंद इंगळे, वैभव मांगले

संत ज्ञानेश्वरांची मुक्ताई- दिग्पाल लांजेकर दिग्दर्शित

मुंबई लोकल- प्रथमेश परब

ये रे ये रे पैसा ३- संजय जाधव दिग्दर्शित

संगीत मानापमान- सुबोध भावे दिग्दर्शित

एक राधा एक मीरा- गश्मीर महाजनी

जंतर मंतर छूमंतर- अभिज्ञा भावे, प्रियदर्शन जाधव

फसक्लास दाभाडे- अमेय वाघ, क्षिती जोग, सिद्धार्थ चांदेकर

इलू इलू- अजिंक्य फाळके दिग्दर्शित

बोल बोल राणी- सुबोध भावे, सई ताम्हणकर, चिन्मय मांडलेकर

लव्ह सुलभ- प्रियदर्शन जाधव, ईशा केसकर
नो किस नो हग, अभिनेत्रीने केलं शक्तिमानचं कौतुक, म्हणाली- सिनेमांत जितका आदर मिळाला नाही तितका…

वीर मुरारबाजी- अंकित मोहन

फकिरा- भाऊसाहेब कऱ्हाडे दिग्दर्शित

जलेबी- प्रसाद ओक, स्वप्निल जोशी

प्रेक्षकांना हसवण्यासाठी…
‘मु. पो. बोंबिलवाडी’ हे नाटक लोकांना इतकं आवडलं की, तो माझ्यासाठी एक सुखद धक्का होता. ‘बोंबिलवाडी’सारख्या छोट्या गावात इंटरनॅशनल घटना घडतात आणि त्यावर दुसऱ्या जागतिक महायुद्धाचा निकाल लागतो ही फार्सिकल गोष्ट आहे. गंमतीचा भाग म्हणजे आजकाल व्यायाम नीट होत नाही, त्यामुळे फुप्फुसाचाही व्यायाम होत नाही. तर ‘मु. पो. बोंबिलवाडी’ हा सिनेमा एवढा हसवेल की, त्यामुळे फुप्फुसांचा व्यायाम होईल.

– परेश मोकाशी, दिग्दर्शक

नवा आविष्कार
‘संगीत मानापमान’ या अभिजात नाट्यकृतीवर काम करायला मिळणं, हे खरोखर भाग्याची गोष्ट आहे. बालगंधर्व यांची भूमिका करत असताना मानापमान या नाटकाशी संबंध आला, पण कधी तरी आपण त्यावर सिनेमा करू असं वाटलं नव्हतं. मधल्या काळात ‘कट्यार…’ नंतर नवीन चित्रपटाची आखणी करताना सगळ्यात भावलं ते म्हणजे मानापमानची प्रेमकथा आणि गोविंदराव टेंबे यांच्यासारख्या दिग्गज संगीतकारानं संगीतबद्ध केलेली गाणी. त्या गाण्यांचा गोडवा इतक्या वर्षानंतरही तसाच आहे. बालगंधर्व असतील, केशवराव भोसले असतील, दीनानाथ मंगेशकर असतील अशा दिग्गज नेत्यांचा स्पर्श, खाडिलकरांची लेखणी अशा वेगवेगळ्या अंगानं नटलेल्या नाटकावर बेतलेला हा सिनेमा असेल.
– सुबोध भावे, दिग्दर्शक

अ‍ॅक्शनचा तडका
मराठीतल्या मोठ्या पडद्यावर आजवर न पाहिलेली पॉवरफुल्ल अ‍ॅक्शन ‘रानटी’ या सिनेमात दाखवण्याचा मी प्रयत्न केला आहे. अंगावर रोमांच आणणारे स्टंटस आहेत. काही मोजके अॅक्शनपट सोडले तर अॅक्शन मसाल्यासाठी मराठी चित्रपटांचा प्रेक्षकही हिंदी चित्रपटांकडे वळतो. म्हणूनच एक नवीन प्रयोग आणि मराठी चित्रपटांच्या आशयाला अॅक्शनचा तडका देण्यासाठी मी ‘रानटी’ हा चित्रपट घेऊन येतोय.

– समित कक्कड, दिग्दर्शक