भांडुप-शिवडी ठरलेलं, माहीम कुठून आलं? शिंदेंचा दावा, ‘नंतर बघू’मुळे अमित ठाकरे संकटात

एकनाथ शिंदे काय म्हणाले?

शिवडीत बाळा नांदगावकर यांच्या विरोधात आम्ही उमेदवार उभा केलेला नाही. भांडुपबाबत महाराष्ट्र नवनिर्माण सेनेशी आमचं बोलणं झालं होतं. राज ठाकरे म्हणाले होते, की अमित ठाकरे भांडुपमधून निवडणूक लढवतील. त्यामुळे आम्ही तीच गोष्ट डोक्यात ठेवली. मी त्यांच्याशी बोललो होतो आणि त्यांची रणनीती काय आहे हे विचारले होते. पण त्यांनी मला सांगितलं की तुम्ही आधी महायुतीसाठी गोष्टी ठरवा मग बघू. मात्र नंतर त्यांनी थेट उमेदवार जाहीर केले, असं एकनाथ शिंदे म्हणाले.
Bharti Kamdi : उद्धव ठाकरेंना मोठा हादरा, लोकसभेला ४ लाख मतं घेणाऱ्या उमेदवाराचा जय महाराष्ट्र! शिवसेनेत प्रवेश

…तर अमित ठाकरेंना धक्का असता

मी आमचे माहीमचे विद्यमान आमदार सदा सरवणकर यांच्याशी बोललो. त्यांनी मला सांगितले की जर ठाकरेंचा उमेदवार आणि मनसे यांच्यात थेट लढत झाली तर अमित माहीममधून जिंकू शकत नाहीत; पण तिरंगी लढत झाली तर दोघांपैकी एक जिंकेल आणि अमित ठाकरेंना संधी आहे. मी सरवणकर यांना राज ठाकरेंना भेटायला सांगितलं होतं, पण राज भेटले नाहीत, असं एकनाथ शिंदे म्हणाले.

Uddhav Thackeray : राज ठाकरेंच्या मदतीची परतफेड होणार? उद्धव काकांनी ठरवलं! अमित ठाकरेंच्या बाबत मोठा निर्णय

भाजपचा कुणाला पाठिंबा?

माहीममध्ये महायुतीकडून एकनाथ शिंदे यांच्या शिवसेनेचे विद्यमान आमदार सदा सरवणकर पुन्हा रिंगणात उतरले आहेत. सरवणकरांवर माघारीसाठी भाजपकडून प्रचंड दबाव आल्याचं पाहायला मिळालं, मात्र त्यानंतरही ते मागे हटले नाहीत. त्यामुळे शिंदे गट विरुद्ध ठाकरे गट विरुद्ध मनसे अशी तिरंगी लढत आता निश्चित आहे. भाजपने आपला पाठिंबा महायुतीतील शिवसेनेला जाहीर केला असला, तरी छुपी ताकद अमित ठाकरेंच्या पाठीशी लागण्याची शक्यता नाकारता येत नाही.