मुंबईहून लग्नासाठी निघाले, महामार्गावर पहाटेच्या वेळी अनर्थ; कारचा चक्काचूर; बाप-लेकाचा दुर्दैवी अंत

मुंबईहून बीडला निघालेले कुटुंबिय

याबाबत मिळालेल्या माहितीनुसार, नातेवाईकांकडे लग्नासाठी निघालेल्या, मुंबईहून बीडकडे येणाऱ्या एम एच ०३ डीजे ८९४४ या चार चाकी कारला धुळे – सोलापूर या महामार्गावर अज्ञात वाहनाने पाठीमागून जोरदार धडक दिली. या भीषण अपघातात वडील आणि मुलाचा जागीच मृत्यू झाला असून, तिघे जण जखमी झाले आहेत. अपघात इतका भीषण होता की, एका मृताचा मृतदेह छिन्नविछिन्न झाला होता. ही दुर्दैवी घटना बुधवारी सकाळी सहा वाजता पाडळशिंगीच्या टोलनाक्याजवळ घडली. जखमींना रुग्णालयात दाखल करण्यात आलं आहे.
योगी आदित्यनाथ यांच्या सभास्थळाहून परतताना पोलीस कर्मचाऱ्यासोबत घडला अनर्थ; कुटुंबावर दु:खाचा डोंगर
सय्यद हमीद (वय ७० वर्षे रा. मुंबई) यांच्या नातेवाईकांचं १० नोव्हेंबर रोजी बीड येथे लग्न होतं. या लग्नानिमित्ताने ते आपल्या कुटुंबियांसह चारचाकी गाडीने बीडकडे येत होते. सकाळी ६ वाजण्याच्या दरम्यान पाडळशिंगी टोलनाक्याजवळ त्यांच्या गाडीला पाठीमागून अज्ञात वाहनाने जोराची धडक दिली.
Shah Rukh Khan ला जीवे मारण्याची धमकी प्रकरणात मोठा ट्विस्ट, पोलीस तपासात धक्कादायक माहिती समोर

कारचा चक्काचूर, दोघांचा जागीच मृत्यू

या अपघातात सय्यद हमीद (वय ७० वर्षे) आणि त्यांचा मुलगा सय्यद मुदस्सीर (वय ३५ वर्षे, रा. अंधेरी, मुंबई) हे दोघे जागीच ठार झाले, तर गाडीतील इतर ३ जण जखमी झाले आहेत. त्यामध्ये लहान मुलांचा आणि दोन महिलांचा समावेश आहे. अपघात इतका भीषण होता की, कारचा चक्काचूर झाला आहे.

त्यातील एका मृताचा मृतदेह छिन्नविछिन्न झाला होता. जखमींना तात्काळ जिल्हा रुग्णालयामध्ये दाखल करण्यात आलं आहे. या दुर्दैवी घटनेनंतर परिसरात हळहळ व्यक्त करण्यात येत आहे.