नागपुरात मोठी कारवाई! घरासमोर वाहन थांबलं, माल उतरवण्याचं काम सुरू, अचानक धाड पडली आणि…

महाराष्ट्र राज्यात प्रतिबंधीत असलेल्या आणि हरियाणा राज्यासाठी विक्रीकरता उपलब्ध असलेल्या मद्याचा हा साठा सदर वाहनामधून उतरवला जात होता. हा माल याच जागेवर उभे असलेल्या वाहन क्रमांक एम एच ४६ बी.के. ६४९२ टोयाटो फॉर्चुर्नर या गाडीची झडती घेतली असता आढळून आला. राज्य उत्पादन शुल्क विभागाचे आयुक्त डॉ. विजय सूर्यवंशी, जिल्हाधिकारी डॉ. विपीन इटनकर, राज्य उत्पादन शुल्क संचालक (अंमलबजावणी व दक्षता) प्रसाद सुर्वे, राज्य उत्पादन शुल्क विभागीय उप आयुक्त अनिल चासकर, राज्य उत्पादन शुल्क अधीक्षक सुरजकुमार रामोड यांचे मार्गदर्शनाखाली ही कारवाई करण्यात आली.
पर्यावरण विभागातील इंजिनिअरच्या घरातून २ कोटींहून अधिक रोख जप्त, CBI च्या छापेमारीत सापडलं घबाड
जप्त करण्यात आलेल्या विदेशी मद्य साठयात उच्च प्रतिच्या रेडलेबल, ब्लॅकलेबल, जेबसन, बॅलेंटाईन या सुमारे ७१ सिलबंद बॉटल्स जमा करण्यात आल्या. सदर वाहनासह आणि जप्त केलेल्या मोबाईलसह मुद्देमालाची एकूण किंमत सुमार ३७ लाख ७१ हजार २०० रुपये एवढी आहे. सदर गुन्ह्यात वाहनाचा चालक आणि मालक निलय अशोक गडेकर यास अटक करुन अमित किशोर बोबडे या व्यक्तीस फरार घोषित करण्यात आलं आहे. सदर व्यक्तीविरुध्द मुंबई दारुबंदी कायदा १९४९ च्या कलम ६५-अ, इ, ८१, ८३, ९० आणि ९८ नुसार गुन्हा नोंद करण्यात आला आहे.
Pune News : आम्ही काय हातात बांगड्या भरल्या आहेत का? भर सभेत अजितदादांनी शरद पवारांच्या एक्क्याला फैलावर घेतलं
गुन्हा उघडकीस आणण्यामध्ये निरीक्षक सर्वश्री मंगेश कावळे, शैलेश अजमिरे, दुय्यम निरीक्षक सर्वश्री शितल बेदरकर तसेच सहाय्यक दुय्यम निरीक्षक सर्वश्री विनोंदसिंग ठाकुर, जवान सर्वश्री राहुल पवार, धवल तिजारे, अंकुश भोकरे आणि महिला जवान श्रीमती सोनम शिंगणे यानी विशेष परिश्रम घेतले. सदर गुन्हयाचा तपास उमेश शिरनाते, दुय्यम निरीक्षक, राज्य उत्पादन शुल्क, अ २ नागपूर हे करत असून फिर्यादी जवान प्रशांत धावले आहेत.

कारवाईमध्ये उप अधीक्षक अतुल कोठलवार, निरीक्षक सर्वश्री मोहन पाटील, आनंद पचार, जितेन्द्र पवार, बालाजी चाळणीवार, दुय्यम निरीक्षक श्रीमती श्यामली कुरडकर, सुनयना वाघमारे, अमित क्षीरसागर आणि जवान सुरज सहारे तसेच वाहन चालक सर्वश्री अरशिल मिर्झा आणि विनोद डुमरे यांनी सदर कारवाईमध्ये सहभाग घेतला.