Akashay Navami 2024 : अक्षय नवमीला करा आवळ्या संबंधित ४ खास उपाय! लक्ष्मी देवी होईल प्रसन्न, पैशांची चणचण होईल कमी, आरोग्य सुधारेल

धार्मिक मान्यतेनुसार या दिवशी आवळ्याच्या झाडाखाली पूजा केल्याने भगवान विष्णूसह देवी लक्ष्मीचा आशीर्वाद प्राप्त होतो. त्यासाठी सर्वात आधी आवळ्याच्या झाडाला गंगाजल शिंपडून शुद्ध करा. झाडाभोवती तुपाचा दिवा लावून त्याची पूजा करा. त्यानंतर हार फुले अर्पण करुन प्रदक्षिणा घालून जल अर्पण करा. असे केल्याने लक्ष्मी देवी प्रसन्न होते आणि जीवनात सुख-समृद्धी नांदते.

असे म्हटले जाते की, आवळ्याच्या झाडाखाली बसून अन्न ग्रहण केल्याने शरीर आणि मन दोन्ही शुद्ध होते. असे केल्याने घरात सुख आणि आर्थिक समृद्धी येते. आवळा हा भगवान विष्णूंचा प्रिय आहे आणि त्याचे सेवन केल्याने त्यांचा आशीर्वाद मिळतो.

या दिवशी गरीब, गरजू किंवा ब्राह्मणांना अन्नदान केल्याने पुण्य प्राप्त होते. तसेच देवी लक्ष्मी प्रसन्न होते. या दिवशी दान केल्याने धनसंपत्ती वाढ होते. तसेच घरात कधीही अन्न आणि पैशांची कमतरता भासत नाही अशी धार्मिक मान्यता आहे.

आवळा नवमीला आवळा झाडाच्या मुळाशी नाणे पुरणे शुभ मानले जाते. असे केल्याने आर्थिक स्थिती सुधारते आणि देवी लक्ष्मी घरात वास करते.