छत्रपती संभाजीनगर पालिकेचा पाय खोलात; साडेतीनशे कोटी रुपयांची देणी, स्वहिश्शाचा प्रश्नदेखील ऐरणीवर

महापालिकेचा आर्थिक कणा मालमत्ता कर आणि पाणीपट्टी वसूलीवर अवलंबून आहे. त्याच बरोबर शासनाकडून मिळणारे विविध अनुदान, वेतन आयोगाच्या माध्यमातून मिळणारा निधी यातून देखील पालिकेचा आर्थिक गाडा चालतो, पण शासनाकडून किंवा वेतन आयोगाच्या माध्यमातून मिळणारा निधी शासनाने नेमून दिलेल्या कामांसाठीच खर्च केला जातो. अन्य कामासाठी हा पैसा खर्च करता येत नाही अशी माहिती सुत्रांनी दिली.

मालमत्ता कर आणि पाणीपट्टीची वसूली गतवर्षी पेक्षा काही पटीने चांगली असली तरी पालिकेची आर्थिक चणचण मात्र दूर झालेली नाही. या बद्दल लेखा विभागाकडून मिळालेल्या माहितीनुसार पालिकेवर सुमारे साडेतीन कोटी रुपयांची देणी आहेत. त्यात दोनशे कोटी रुपये कंत्राटदारांच्या देणीचे आहेत. सेवेत असलेल्या व सेवानिवृत्त झालेल्या कर्मचाऱ्यांचे सुमारे सत्तर कोटी रुपये पालिकेला द्यावे लागणार आहेत. भूसंपादनाचे ३६ कोटी रुपये, पाणी खरेदी देयक व शासनाची देणी असे मिळून पन्नास कोटी रुपये पालिकेला द्यावे लागणार आहेत. अशी एकूण ३५६ कोटी रुपयांची देणी पालिकेवर आहेत. ही देणी देण्याचे नियोजन करण्यात येत आहे.
फुलंब्रीत दुरंगी लढत; अनुराधा चव्हाण की विलास औताडे, कोण उधळणार गुलाल?
मालमत्ता कर वसूलीचे उद्दीष्ट यंदा पाचशे कोटींचे ठेवण्यात आले आहे. डिसेंबर ते मार्च या चार महिन्यात कर वसूली मोहीम प्रभावीपणे राबवण्यात आल्यास हे उद्दीष्ट साध्य होईल असे मानले जात आहे. शहराच्या विस्तारित भागात भूमिगत गटार योजनेचे काम महापालिकेने हाती घेतले आहे. या कामामुळे शहर सेप्टिक टैंकमुक्त होईल असे मानले जात आहे. या कामासाठी पालिकेला ३६० कोटी रुपयांचा स्वहिस्सा टाकावा लागणार आहे. त्याचे नियोजन अर्थसंकल्पाच्या माध्यमातून करण्यात आले आहे.
जीवघेणा ठरला नायलॉन मांजा! मांडीला गंभीर दुखापत, ९ वर्षीय मुलाचा उपचारादरम्यान मृत्यू, नाशिकमधील घटना
अशी आहेत देणी
कंत्राटदार २०० कोटी रुपये
कर्मचारी ७० कोटी रुपये
भूसंपादन ३६ कोटी रुपये
शासकीय देणी ५० कोटी रुपये