ठाकरे घराण्याला शोभत नाही, बाळासाहेब असते तर उद्धवना गोळ्या घातल्या असत्या, राणे भडकले

सिंधुदुर्ग जिल्ह्यात कुडाळ येथे निलेश राणे यांच्या आयोजित प्रचार सभेत ते बोलत होते. शिवसेनेच्या ठाकरे गटाचे पक्षप्रमुख उद्धव ठाकरे यांच्या रत्नागिरीतील सभेत त्यांनी नारायण राणे यांच्यावरही टीका केली होती आता या सगळ्याला राणे यांनी त्याच स्टाईलने उत्तर दिलं आहे.
Balu Dhanorkar: माझ्या मुलाचा घातपात, बाळू धानोरकरांच्या आईचा गंभीर आरोप, सून प्रतिभा धानोरकरांबाबतही बोलल्या
राणे पुढे म्हणाले की, शिवसेनेत जो नावारूपाला येतो त्याच शिवसैनिकाला संपवण्याचे काम उद्धव ठाकरे यांनी केलं आहे. त्यामुळे या निवडणुकीत उद्धव ठाकरे यांचे २५ सुद्धा आमदार निवडून येणार नाहीत. शिवसेनाप्रमुख बाळासाहेबांनी जपलेले हिंदुत्व त्यांचे विचार हे सगळं पणाला लावून ते मुख्यमंत्री झाले. काय बोलतोस अडीच वर्षात केवळ ते दोन वेळा मंत्रालयात गेले आणि आता परत मला मुख्यमंत्री करा असं म्हणत आहेत, कोण यांना मुख्यमंत्री करणार, असाही खडा सवाल त्यांनी यावेळी उपस्थित केला.

मीदेखील पवारांची कुंडली काढली आहे

याच बरोबर राणे यांनी शरद पवार यांच्यावरही निशाणा साधला. मी देखील पवारांची सगळी कुंडली काढली आहे, असा थेट सुचक इशारा राणे यांनी दिला आहे. सिंधुदुर्ग जिल्ह्यातील झालेला विकास हा त्यांना पहावत नसल्यानेच शरद पवार आज ८३-८४ वय असताना देखील राणे यांच्या दोन्ही मुलांवर टीका करतात, अशी खंत राणे यांनी व्यक्त केली.

नारायण राणे यांनी केलेल्या या दोन विधानानंतर आता राणे यांच्या टीकेला उद्धव ठाकरे आणि शरद पवार नेमकं कशाप्रकारे उत्तर देतात हे पाहणं सगळ्यात महत्त्वाचे ठरणार आहे