CM शिंदे भडकले, व्यासपीठावरच सहकाऱ्यांवर चिडले; संताप कॅमेऱ्यात कैद, नेमकं काय घडलं?

शिंदेसेनेनं कन्नड विधानसभा मतदारसंघातून संजना जाधव यांना उमेदवारी दिली आहे. त्या माजी रेल्वे राज्यमंत्री आणि भाजप नेते रावसाहेब दानवे यांच्या कन्या आहेत. काही दिवसांपूर्वीच त्यांनी शिंदेसेनेत प्रवेश केला. त्यानंतर लगेचच त्यांनी कन्नडमधून उमेदवारी जाहीर झाली. आज त्यांच्या प्रचारासाठी मुख्यमंत्री शिंदे कन्नडमध्ये आले होते. मतदारसंघात त्यांची भव्य सभा होती. पण या सभेत वेळेटं नियोजन चुकलं. त्यामुळे शिंदे चांगलेच संतापले.
Kirit Somaiya: वोट जिहादसाठी हवालाचे १२५ कोटी रुपये वापरले; सोमय्यांचा गंभीर आरोप; थेट मतदारसंघच सांगितला
मुख्यमंत्र्यांचं व्यस्त वेळापत्रक पाहता सभेचं नियोजन चोख करा, अशा सूचना करण्यात आल्या होत्या. मुख्यमंत्री शिंदे यांचं आगमन सभास्थळी झाल्यावर त्यांचं भाषण लगेच सुरु करता येईल, अशा प्रकारे अन्य नेत्यांच्या भाषणांचं नियोजन करा, अशा सूचना देण्यात आल्या होत्या. पण प्रत्यक्षात तसं घडलं नाही. मुख्यमंत्री शिंदे यांचं आगमन झालं त्यावेळी उमेदवार संजना जाधव, माजी रेल्वे राज्यमंत्री रावसाहेब दानवे, स्थानिक खासदार संदीपान भुमरे यांची भाषणं व्हायची होती.
Sada Sarvankar: कोळी महिला सरवणकरांवर संतापली, प्रश्नांची सरबत्ती; प्रकरण थेट अमेरिकेला पोहोचलं, काय घडलं?
अन्य नेत्यांची भाषणं सुरु असल्यानं मुख्यमंत्री शिंदे यांचा खोळंबा झाला. सूचना देऊनही वेळेचं नियोजन चुकल्यानं शिंदे संतापले. त्यांनी खासदार भुमरेंना व्यासपीठावरच बरंच सुनावलं. शिंदेंच्या चेहऱ्यावर दिसणारा संताप कॅमेऱ्यात कैद झाला. यावेळी त्यांनी स्टेजवर असलेल्या अन्य काही नेत्यांचादेखील समाचार घेतला.

छत्रपती संभाजीनगर मतदारसंघातील कन्नडचे विद्यमान आमदार उदयसिंह राजपूत आहेत. शिवसेनेत अभूतपूर्व फूट पडल्यानंतर जिल्ह्यातील सगळ्याच आमदारांनी शिंदेंना साथ दिली. पण राजपूत याला अपवाद ठरले. त्यांनी ठाकरेंसोबत एकनिष्ठ राहण्याचा निर्णय घेतला. ठाकरेंनी त्यांना पुन्हा संधी दिली आहे. त्यांच्यासमोर संजना जाधव यांचं आव्हान आहे.