Tej Police Times
राजकीय पुढाऱ्याची रात्रभर चाललेली मटणाची पार्टी बकऱ्यांवर उलटली, तालुक्यात खळबळ, काय घडलं?
Chandrapur News : चंद्रपूरमध्ये राजकारणामुळे दुर्दैवी घटना घडली आहे. फिस्कुटी गावात राजकीय पक्षाच्या पार्टीत उरलेला शिळा भात खाल्याने सहा बकऱ्यांचा मृत्यू झाला, तर पंधरा बकऱ्या आजारी आहेत. दुसरीकडे, वरोरा तालुक्यात एका उमेदवाराच्या प्रचारादरम्यान आयोजित पार्टीत माजी उपसरपंचाचा विहिरीत पडून मृत्यू झाला होता.
पार्टी जीवावर बेतली, माजी उपसरपंचाचा विहिरीत पडून मृत्यू
एका उमेदवाराच्या प्रचारासाठी आयोजित पार्टीत माजी उपसरपंचाचा विहिरीत पडून मृत्यू झाल्याची घटना चंद्रपूर जिल्हात घडली. वरोरा तालुक्यातील फत्तेपूर इथे प्रमोद मगरे या काँग्रेसशी जुळलेल्या कार्यकर्त्याने आपल्या गिट्टी क्रशर परिसरात कार्यकर्त्यांसाठी आयोजन केलं होतं. यात जवळच्या पांझुर्णी येथील माजी उपसरपंच गजानन काळे हे सहभागी झाले. पार्टी सुरू असतानाच काळे एका सहकाऱ्यासह लगतच्या मोकळ्या जागेत गेले आणि तेथील विहिरीत पडले. आवाज येताच सगळे धावले. एकाला पोहता येत असल्याने तो वाचला. मात्र गजानन काळे यांचा बुडून मृत्यू झाला.