सोलापुरात AIMIMचा मास्टरस्ट्रोक; काँग्रेसला दिला जबरदस्त धक्का, प्रणिती शिंदेंना बालेकिल्ल्यात झटका

By tejpolicetimes On Nov 13, 2024

Maharashtra Election 2024: विधानसभा निवडणुकाचा प्रचार सुरू असताना सोलापूरमध्ये काँग्रेस आणि खासदार प्रणिती शिंदे यांना मोठा धक्का बसला आहे. पक्षातील जुने नेते शौकत पठाण यांनी AIMIMमध्ये प्रवेश केला आहे.

Lipi

सोलापूर (इरफान शेख): सोलापूर शहर मध्य विधानसभा मतदारसंघात पंधरा वर्षे आमदार राहून सत्ता गाजवली. खासदार झाल्यापासून प्रणिती शिंदेंची पकड ढिली झाली की काय असे चित्र निर्माण झाले आहे.सोलापूर शहर मध्य विधानसभा मतदारसंघात काँग्रेसकडून चेतन नरोटे हे निवडणूक लढवत आहेत,पण ऐन निवडणूकी समोर काँग्रेसमधील जुना नेता शौकत पठाण यांनी एमआयएमच्या भर सभेत येऊन असद ओवेसी यांच्या उपस्थितीत काँग्रेसचा हात सोडून ,पतंगाची दोरी हातात घेतली आहे.सोलापूर शहर मध्य विधानसभा मतदारसंघात माकपचे आडम मास्तर,भाजपचे देवेंद्र कोठे,काँग्रेसचे चेतन नरोटे ,आणि एमआयएमचे फारूक शाब्दी अशी लढत सुरू आहे.2014 आणि 2019 ला निसटता पराभव स्वीकारणाऱ्या एमआयएम पक्षाने काँग्रेस आणि भाजपसमोर तगडे आव्हान उभे केले आहे.

करारा जवाब मिलेगा असा इशारा शौकत पठाण यांनी दिला होता

शौकत पठाण आणि त्यांच्या सोबत काँग्रेस मधील काही सहकाऱ्यांनी काँग्रेसकडे सोलापूर शहर मध्य विधानसभा मतदारसंघात मुस्लिम उमेदवार द्यावा अशी मागणी केली होती.प्रणिती शिंदें खासदार झाल्यापासून सोलापूर शहर मध्य विधानसभा मतदारसंघात काँग्रेसचा उमेदवार कोण असणार असा प्रश्न पडला होता. काँग्रेस पक्षाने मुस्लिम आणि मोची सामजाची मागणी बाजूला करत धनगर समाजाचे आणि काँग्रेसचे शहर अध्यक्ष चेतन नरोटे यांना उमेदवारी जाहीर केली होती.अपक्ष उमेदवारी अर्ज भरत शौकत पठाण यांनी काँग्रेसला करारा जवाब मीलेगा असा इशारा दिला होता.
बारामतीत प्रतिभा पवार अजितदादांच्या विरोधात का प्रचार करत आहेत? स्वत: शरद पवारांनी दिले उत्तर
काँग्रेस नेत्याचा एमआयएम पक्षात प्रवेश झाल्याने एमआयएमचे पारडे जड
अजित पवारांविरुद्ध उमेदवार का दिला? स्वत:च्या पक्षाचे किती आमदार निवडून येतील? शरद पवारांनी थेट संख्याच सांगितली
काँग्रेसचे नेते शौकत पठाण हे सोलापूर शहर मध्य विधानसभा मतदारसंघात वजनदार नेते म्हणून ओळखले जातात .सोलापूर शहर मध्य विधानसभा मतदारसंघात अपक्ष उमेदवारी अर्ज भरल्या नंतर काँग्रेस नेते चेतन नरोटे यांनी शौकत पठाण यांच्या घरी जाऊन समजूत काढत पाठिंबा मागितला होता.काही काळापुरता काँग्रेसला पाठींबा देत,शौकत पठाण यांनी अखेर शेवटच्या क्षणी असद ओवेसी यांच्या उपस्थितीत एमआयएम पक्षात प्रवेश केला.

लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा

Source link