अमृता फडणवीसांच्या रील्सवर निशाणा, कन्हैय्या कुमार यांनी नागपुरात फडणवीसांना डिवचलं

नागपूर दक्षिण पश्चिम विधानसभा मतदारसंघात प्रफुल्ल गुडधे हे काँग्रेसचे उमेदवार आहेत. भाजप नेते देवेंद्र फडणवीस विरुद्ध प्रफुल्ल गुडधे अशी लढत पाहायला मिळत आहे. बुधवारी प्रफुल्ल गुडधे यांच्या प्रचारार्थ नाना पटोले आणि कन्हैया कुमार नागपुरात आले होते. यावेळी कन्हैया कुमारांनी देवेंद्र फडणवीस व त्यांच्या पत्नीला टोला लगावला. आम्ही धर्म वाचवत बसू आणि तुमची बायको इन्स्टाग्रामवर रील बनवत असेल, अशी टीका त्यांनी केली. तसेच एकनाथ शिंदे हे बेईमान गुजराती नेत्यांचे चौकीदार असल्याचा घणाघातही त्यांनी केला.