धनंजय मुंडेंच्या सभेत पंकजा मुंडेंनी गुड न्यूज दिली, वैद्यनाथ साखर कारखान्याबाबत मोठी घोषणा

परळी विधानसभेचे महायुतीचे उमेदवार धनंजय मुंडे यांच्या प्रचार सभेत मुंडे बहिणी देखील दिसत आहेत. अंबाजोगाई तालुक्यातील बर्दापूर येथे धनंजय मुंडेंची जाहीर सभा संपन्न झाली. या सभेत पंकजा मुंडेंनी वैद्यनाथ साखर कारखाना अखेर पुन्हा सुरू होणार असल्याची घोषणा केली. लवकरच हेलिकॉप्टरने येऊन विजयी सभा घेऊ असं देखील पंकजा मुंडे म्हणाल्या. धनूभाऊ हेलिकॉप्टर करतील आणि मी त्यात बसून येईन असं त्यांनी सांगितलं. मी सुद्धा लाडकी बहीण असून मोठ्या गिफ्टची मागणी देखील त्यांनी यावेळी केली.