स्वार्थासाठी,सत्तेत येण्यासाठी आमची फसवणुक केली; शरद पवारांकडून जाहीर सभेत तटकरेंचा समाचार

यावेळी पवारांनी खासदार सुनिल तटकरे यांचे नाव न घेता ज्यांना आम्ही पद दिली मोठे केले त्यांनी नंतर स्वार्थासाठी आणि कुटुंबाला मोठे करण्यासाठी भाजप युतीच्या मांडीला मांडी लावून सत्तेत गेल्याची टीका केली. श्रीवर्धन विधान सभा निवडणुकीत पक्षाचे उमेदवार अनिल नवगणे यांच्या म्हसळा दिघी रोड येथे संपन्न झालेल्या जाहीर सभेत त्यांचे समावेत माजी आमदार तुकाराम सुर्वे, शाम भोकरे,ज्ञानदेव पवार,श्रीमती जाधव,तालुका अध्यक्ष सुरेश कुडेकर,रविंद्र चव्हाण,सेना संघटक रविंद्र लाड,राष्ट्रवादी काँग्रेसचे ता.अध्यक्ष अझहर धनसे,विजय तोडणकर,नदीम दफेदर,हेमंत नाक्ती आदी मान्यवर उपस्थित होते.
तुम्ही महाराष्ट्रातील सरकार पैशांच्या जोरावर चोरले; प्रियांका गांधींचा कोल्हापुरातून थेट PM मोदींवर हल्ला
पवारांनी संविधान बदलण्याचा मोदी सरकारचा हेतू बाबत माहिती देताना डॉ.बाबासाहेब आंबेडकरांनी या देशाची देशाची चांगली घटना बनवली आहे. त्यात बदल करायचा असे त्यांचेच सहकाऱ्यांनी भाषणात सांगीतले आहे. देशाचे कार्यभार चालविण्यासाठी ४०० जागांची आवशक्यात नाही. मग येवढ्या जागांची गरज का होती असा प्रश्न शरद पवारांनी जाहिर सभेत उपस्थित केला. हाच मुद्दा आम्ही लोकांना सांगून लोकसभा निवडणुकीत उपस्थित केला तेव्हा जनतेने देखील आम्हाला उदंड प्रतिसाद दिला आणि आघाडीला विजय मिळवून दिला.

आताचे सरकार लोकांचे प्रश्न आम्ही सोडवू म्हणतायेत त्यांच्याकडे काय अनुभव आहे. या देशात सर्व समाजाला एकत्र घेऊन चालण्यासाठी जी घटना डॉ.बाबासाहेब आंबेडकर यांनी लिहिली ती घटना ते संविधान जगातील चांगल्या घटनेत नोंद आहे. संविधानात मत देण्याचा जो अधिकार पंतप्रधान नरेंद्र मोदींना, देशाचे एखाद्या मोठया उद्योगपतीला आहे तोच अधिकार देशातील सर्वसामान्य जनतेला,गरीब घटकातील नागरीकांना असल्याचे निदर्शनास आणून दिले. घटना बदलण्याचा निर्णय आताच्या सरकार करण्याच्या तयारीत होता. महायुतीला लोकसभेत फाटका बसला म्हणून लाडकी बहिण योजना आणली. निवडणूका डोळ्यासमोर ठेवून दोन तीन महिन्याचे पैसे आगावू दिले मग त्यांना बहिणीची आठवण आता का आली, असा सवाल पवारांनी यावेळी उपस्थित केला.
मकरंद पाटलांना आज झोप लागणार नाही, भर सभेत शरद पवारांनी काहीच शिल्लक ठेवले नाही; शेवटी गावचा सरपंच…
राज्यात वर्षभरात 67 हजार 381 महिलांवर अत्याचाराच्या घटना घडल्या आहेत तर ६३ हजार महीला बेपत्ता झाल्याची नोंद आहे.तरुण मुला मुलींच्या हाताला काम नाही,दर्जेदार शिक्षण मिळत नाही,महागाईचा भडका उडाला आहे. शेतकऱ्यांचे पिकाला योग्य भाव मिळत नाही. शेतकरी करीत असलेल्या आत्महत्या आदी बाबींवर शरद पवारांनी या सभेत कटाक्ष टाकला. राज्यात आजच्या बहिणींची अवस्था पाहून यांना राज्य चाविण्याचा आधिकर नाही. म्हणूनच यांच्या हातात पुन्हा सत्ता येता कामा नये, असे या निवडणुकीत काम करा आणि आघाडीला निवडूण आणण्याचे त्यांनी जाहीर आवाहन केले .

याच वेळी त्यांनी कृषी मंत्री असताना शेतकऱ्याचे बाबतीत काय घडल ते उदाहरण देताना यवतमाळ जिल्हयातील शेतकऱ्याच्या शेतीमालाला किंमत न मिळाल्याने त्या शेतकऱ्याने आत्महत्या केली आणि त्याचे कुटुंबीयांना सावकारी वसुलीला कसे सामोरे जावे लागले ते सांगीतले. राज्यात सुशिक्षित तरुणांना रोजगार मिळतं नसल्याने नैराश्याची समस्या आहे. अनेक प्रलंबीत प्रश्न सोडविण्यासाठी सत्ताधारी लक्ष देत नाहीत. या ठिकाणी दिघी पोर्ट विकसीत होत असताना ज्यांच्या जमिनी हस्तांतरित करण्यात येत आहेत त्यांना न्याय देण्यासाठी आणि स्थानिकांना रोजगार मिळण्यासाठी मी संबंधितांकडे चर्चेला बसेन, असे आश्वासन शरद पवारांनी जाहिर सभेत दिला.
उमेदवार अनिल नवगणे यांनी श्रीवर्धन मतदार संघात विकासाचे मुद्द्यावर होणारा भ्रष्टाचार थांबविण्यासाठी आणि येथे होणारे स्थलांतर रोखुन येथेच रोजगार निर्मिती करण्यासाठी मला मत देवुन आमदार निवडून आणण्यासाठी भरघोस मतांनी विजयी करण्याचे आवाहन केले.

> श्रीवर्धन मतदार संघात आघाडीचे उमेदवार अनिल नवगणे यांचे जाहिर प्रचार सभेत काँग्रेस पक्षात बंडाळी झाली असून शरद पवारांचे सभेत काँगेस पक्षाचे पदाधिकारी उपस्थित नव्हते.
> पवार साहेबांचे जाहिर सभेला महिलांची संख्या पहाता युती सरकारच्या माध्यमातुन मुख्यमंत्री माझी लाडकी बहिण योजना प्रभावी ठरली असल्याची चर्चा होती.