जम्मू काश्मीरमधील 9 जणांना आहिल्यानगरमधून अटक

राजौरी जिल्हाधिकारी कार्यालयाकडून आलेल्या माहितीनंतर हे स्पष्ट झाले की, या 9 जणांकडे असलेली शस्त्रपरवाने बनावट आहेत. त्यानंतर पोलिसांनी लगेचच 9 जणांना अटक केली. यांच्याकडून 12 बोअर, 9 रायफल आणि 58 काडतूसे जप्त करण्यात आली आहेत. यामधील सर्वजण हे जम्मू काश्मीरमधील राजौरी जिल्ह्यातील रहिवासी असल्याचे निष्पन्न झाले आहे.
लॉरेन्स बिश्नोईच्या हिट लिस्टवर बिग बॉस विजेता मुनव्वर फारूकी, ‘तो’ मोठा खुलासाजम्मू काश्मीरमधील हे 9 जण नगर जिल्ह्यात खोट्या कागदपत्राच्या आधारे सुरक्षारक्षक म्हणून काम करत असल्याची मोठी माहिती मिलिटरी इंटेलिजन्स यांना मिळाली होती. त्यानुसार तोफखाना पोलीस यांच्या मदतीने ही कारवाई करण्यात आली आहे. या प्रकरणी तोफखाना पोलीस ठाण्यात आर्म एक्टसह गुन्हा दाखल करण्यात आला आहे. पोलिस याप्रकरणी पुढील तपास करत आहेत.

पोलीस अधीक्षक राकेश ओला यांनी याप्रकरणाबद्दल अधिक माहिती दिलीये. या घटनेनंतर मोठी खळबळ निर्माण झालीये. पोलिसांकडून ही मोठी कारवाई बनावट बंदूक परवाना घेऊन नोकरी करणाऱ्यांवर करण्यात आलीये. आता चाैकशीमध्ये हे नऊ जण काय खुलासा करतात हे देखील पाहण्यासारखे ठरणार आहे. काही मोठे खुलासे होऊ शकतात, अशी देखील चर्चा रंगताना दिसतंय.