आधी पुरावा दाखवा, तर मी उमेदवारी मागे घेणार, दिलीप वळसे पाटलांचे ओपन चॅलेंज

दिलीप वळसे पाटील यांनी आज आंबेगाव पत्रकार परिषद घेतली. यावेळी ते म्हणाले, काही लोक म्हणतात मला अटक होणार होती, काही म्हणतात ईडी आणि सीबीआयची नोटीस आली होती. म्हणून त्यांनी शरद पवारांना सोडून ते दुसऱ्या पक्षात गेले. मात्र मी यापूर्वीही स्पष्ट केलं आहे. मला ईडी, सीबीआय अथवा अन्य कोणत्या एजन्सीची नोटीस आलेली नाही. जर कोणी त्या संदर्भातील पुरावा आज रात्री नऊ वाजेपर्यंत आणून दिला, तर मी उद्या सकाळी माझी उमेदवारी मागे घेणार, असं चॅलेंज वळसे पाटील यांनी दिले.
आपल्याकडून चूक होऊ देऊ नका, कोणी दबाव आणला तर अजित पवार तुमच्या पाठीशी; शरद पवार, सुप्रिया सुळेंवर टीका टाळत दादांचा सेफ गेम
वळसे पाटील पुढे म्हणाले, माझ्यावर आरोप होत आहेत. पण मी नार्को टेस्टसाठी तयार आहे. निकमांची नार्को टेस्ट केली तर त्यांना तोंड दाखवायला जागा राहणार नाही. विरोधक म्हणतात माझी नार्को टेस्ट करा, बिनधास्त करा. पण माझी ही करा अन् देवदत्त निकमांची ही नार्को टेस्ट करा. तसे झाले तर तुम्हाला तर तोंड दाखवायला जागा राहणार नाही.

राष्ट्रवादीत फूट पडल्यानंतर दिलीप वळसे पाटील हे अजित पवारांसोबत सत्तेत सामील झाले. यामुळे आता आंबेगाव विधानसभा मतदारसंघात शरद पवारांनी राष्ट्रवादीकडून देवदत्त निकम यांना उमेदवारी दिली आहे. वळसे पाटील यांना शह देण्यासाठी शरद पवारांनी मोठी फिल्डींग लावली असल्याचे चित्र आहे. तर वळसे पाटील पाटलांची मतदारसंघावर मजबूत पकड असल्याने यंदाच्या निवडणुकीत रंगत आली आहे. यातच शरद पवारांनी सभेतून वळसे पाटलांना पाडण्याचे आवाहन केल्याने मतदारसंघातील राजकीय वातावरण तापले आहे.

यानंतर आता दिलीप वळसे पाटील यांनी थेट प्रतिस्पर्धी उमेदवारांवर निशाणा साधला आहे. ते म्हणाले, आता विरोधक म्हणाले महिला असुरक्षित आहेत, मग करू ना आपण सगळी चौकशी. बदलापूर पासून ते नागापूरपर्यंत सगळी चौकशी झाली पाहिजे. यांना (देवदत्त निकम) गावातील एक पतसंस्था चालवता आली नाही आणि हे विधानसभा, राज्य चालवायची भाषा करत आहेत.