सभा सुरु असताना चिठ्ठी आली, सुळेंनी भाषण थांबवलं; मजकूर वाचताच शोधाशोध सुरु अन् मग…

बारामती विधानसभा मतदारसंघाचा विकास करताना जुन्या मंदिरांचं, त्यांच्या जमिनींचं काय झालं, यावर सुळे बोलत होत्या. तितक्यात एका कार्यकर्त्यानं सुळेंकडे एक चिठ्ठी आणून दिली. ‘शमा हाजील सय्यद यांचा मुलगा स्टेजच्या उजव्या बाजूला आहे,’ असा मजकूर चिठ्ठीत होता. तो सुळेंनी वाचून दाखवला. कोणाचं मूल आहे? त्याची आई बघा कुठे, अशा सूचना त्यांनी केल्या.
Sharad Pawar: काहींना प्रश्न पडलाय, आता मी काय करायचं? शरद पवारांचं दादांना उत्तर, पण ‘ते’ शब्द टाळले
सुप्रिया सुळेंनी पुन्हा एकदा चिठ्ठीतला मजकूर वाचला. त्यानंतर पुढच्या काही सेकंदात त्या मुलाची आई समोर आली. त्याबद्दलची माहिती सुळेंना कार्यकर्त्यांनी दिली. त्यावर ‘सापडली का आई? चला बरं झालं बाई. राम कृष्ण हरी,’ असं सुळे म्हणाल्या. त्यानंतर त्यांनी आपलं राहिलेलं भाषण पूर्ण केलं. पुढच्या काही वेळातच सभास्थळी शरद पवारांचं आगमन झालं.

बारामतीमधल्या सभेत सुप्रिया सुळेंनी मतदारसंघातील काही प्रश्न मांडले. ‘मुंबईत दंगल उसळली, त्यावेळी शरद पवारांच्या कारवर दगडफेक झाली होती. त्यात त्यांचा एक सहकारी जखमी झाला. त्यावेळी मोबाईल नव्हते. कुटुंबीय चिंतेत होते. माझ्या आजीनं तेव्हा नवस केला. माझा शरद सुखरुप परत येऊ दे, मी माळावरच्या देवीला ओटी भरेन. आता जेव्हा कधी मी आणि माझी आऊ बारामतीत असतो, तेव्हा आम्ही त्या देवळात नक्की जातो,’ असं सुळेंनी सांगितलं.
Raj Thackeray: राज ठाकरेंसमोर अभूतपूर्व संकट; मनसेची मान्यताच धोक्यात; नियम, अटी काय सांगतात?
‘काही दिवसांपूर्वी माळावर गेले असताना एक माणूस मला भेटला. तो म्हणाला, ताई तुमची घोषणा राम कृष्ण हरी, वाजवा तुतारी आहे ना? त्यात मी जरा बदल करु का? मी विचारलं, तुम्हाला नेमकं म्हणायचंय का? तर तो म्हणाला, सातबारा वाचवा तुतारी वाजवा. माळावरच्या जमिनीला उद्देशून तो हे म्हणाला. त्यामुळे प्रश्न पडतो, माळावरच्या जमिनीचा सातबारा कोणाच्या नावावर आहे? ही घटना मला अस्वस्थ करुन गेली,’ अशा शब्दांत सुळेंनी त्यांच्या भावना व्यक्त केल्या.