Maharashtra Election: ‘नमस्कार, मी उमेदवार बोलतोय’! लाखो मतदारांना रेकॉर्डेड कॉल, नामसाधार्म्य उमेदवारांचाही प्रचार

पनवेलमध्ये पंतप्रधान नरेंद्र मोदी आणि केंद्रीय मंत्री रामदास आठवले यांची सभा वगळता फारशा मोठ्या सभा घेण्यात प्रमुख उमेदवारांनी रस दाखवलेला नाही. शिवसेना ठाकरे गटाकडून बड्या नेत्याची प्रचारसभेसाठी वेळ मिळालेली नाही. दारोदारी हात जोडण्यासाठी उमेदवारांच्या पत्नी, मुले, वडील, भाऊ, नातेवाईक, कार्यकर्ते प्रचारासाठी उतरले आहेत. मतदारांच्या पोहोचण्यासाठी मोबाइलवर समाजमाध्यमांमधूनही प्रचारासाठी लाखो रुपये खर्च केले जात आहेत. या सगळ्यात यंदा पनवेलमध्ये सर्वाधिक चर्चेचा प्रचार रेकॉर्डेड फोन कॉलचा झाला आहे.
महायुतीचं सरकार आल्यास शेतकऱ्यांना कर्जमाफी; चांदवडमधील सभेत देवेंद्र फडणवीस यांचं आश्वासन
भाजपचे उमेदवार आमदार प्रशांत ठाकूर, शेकाप महाविकास आघाडीचे बाळाराम पाटील यांचे फोन कॉल लाखो मतदारांच्या फोनवर आले. ‘मला निवडून द्या,’ असे आवाहन त्यांनी एकतर्फी संवादातून केले. निवडणुकीच्या प्रचारात ही बाब नवी नव्हती. पनवेलमध्ये यंदा आमदार प्रशांत ठाकूर यांना मतदान करण्यासाठी भाजपनेत्या पंकजा मुंडे यांचाही फोन आला. तर, बाळाराम पाटील यांच्यासाठी मित्रपक्षांच्या जिल्हाध्यक्षांनीही शिट्टीचे बटण दाबण्याचे आवाहन केले. त्यामुळे मागील काही निवडणुकांपेक्षा मतदारांना आलेले फोन कॉल यंदा अधिक आहेत. थेट मतदारांच्या फोनची वाजलेली रिंग अधिक स्मरणात राहात असल्यामुळे या जाहिरात प्रणालीचा वापर केला जात आहे.
MBBSच्या १८ वर्षीय विद्यार्थ्याचा रॅगिंगमुळे मृत्यू; तीन तास अघोरी शिक्षा, कॉलेजमध्ये खळबळ
जातींच्या मतांसाठी, मत विभाजनासाठी… पनवेल विधानसभा मतदारसंघातून उरण तालुक्यातील दिघोडे आणि पेण तालुक्यातील ओढांगी गावच्या दोन व्यक्ती पनवेलमधून निवडणूक लढवित आहेत. पनवेलच्या मतदारांना या दोन उमेदवारांचा चेहराही पाहायला मिळालेला नाही. परंतु माईक निशाणी असलेले बाळाराम महादेव पाटील यांचा फोन कॉल लाखो मतदारांना आला आहे. शेकापचे माजी आमदार बाळाराम पाटील यांच्या उमेदवारीच्या धास्तीमुळे भाजपवर ही नामसाधर्म्याची खेळी करण्याची वेळ आल्याची टीका केली जात आहे.