Tej Police Times
दगड मारा, गोळी मारा, मी मरणार नाही; तुम्हाला धडा शिकवल्याशिवाय राहणार नाही; अनिल देशमुखांचा भाजपला इशारा
Anil Deshmukh: राज्याचे माजी गृहमंत्री अनिल देशमुख यांना मंगळवारी रुग्णालयातून डिस्चार्ज देण्यात आला आहे. काल सोमवारी रात्री त्यांच्यागाडीवर दगडफेक करण्यात आली होती. या हल्ल्यात त्यांच्या डोक्याला दुखापत झाली होती.
काल हल्ला झाल्यानंतर देशमुखांनी भाजपला जबाबदार धरले होते. आज रुग्णालयातून बाहेर पडताना देखील त्यांनी हल्ल्यामागे भाजप असल्याचे म्हटले. त्याच बरोबर मला दगड मारा, गोळी मारा, अनिल देशमुख मरणार नाही. तुम्हाला धडा शिकवल्याशिवाय राहणार नाही, अशा शब्दात त्यांनी भाजपला इशारा दिला.
मतदानाच्या एक दिवस आधी ठाकरे गटाला मोठा धक्का, जिल्हाप्रमुखाने समर्थकांसह शिंदे गटात केला प्रवेश
दरम्यान, अनिल देशमुखांवर झालेल्या हल्ल्याप्रकरणी पोलिसांनी दिलेल्या माहितीनुसार, देशमुखांच्या गाडीवर दोन्ही बाजूंनी दगडफेक करण्यात आली. ही दगडफेक चौघांकडून करण्यात आली. हल्लेखोरांविरुद्ध खुनाचा प्रयत्न केल्याचा गुन्हा दाखल करण्यात आल्याचे अधिकाऱ्यांनी सांगितले. 
आज अजित एकटा पडला, याच गोष्टीच दुःख; बारामतीकरांनी त्याच्या पाठीशी राहावे; अजित पवारांच्या आईचं भावनिक आवाहन
काय झाले होते?
विधानसभा निवडणुकीच्या प्रचाराचा काल (सोमवार) शेवटचा दिवस होता. अनिल देशमुख हे सलील देशमुखांच्या प्रचारासाठी नरखेड येथे गेले होते. सभा झाल्यानंतर गाडीने काटोलकडे परत येत असताना जलालखेडा मार्गावर बेलफाट्याजवळ गाडीचा स्पीड कमी झाला तेव्हा चार जणांनी दगडफेक केली होती. अनिल देशमुखांच्या गाडीच्या मागे कार्यकर्ते देखील होते. हल्ला केल्यानंतर कार्यकर्त्यांनी शेतात पळ काढला होता.
संबंधित घटनेनंतर संपूर्ण राज्यातून तीव्र प्रतिक्रिया आल्या होत्या. राष्ट्रवादी शरदचंद्र पवार पक्षाचे प्रमुख शरद पवारांसह सुप्रिया सुळे आणि महाविकास आघाडीतील नेत्यांनी या घटनेनंतर भाजपवर टीका केली होती.
लेखकाबद्दलजयकृष्ण नायरजयकृष्ण नायर, महाराष्ट्र टाइम्समध्ये Senior Digital Content Producer आहेत. महाविद्यालयात युवा सकाळमधून त्यांनी पत्रकारितेची सुरुवात केली. २००९ पासून ते ऑनलाइन पत्रकारीतेत आहेत. प्रहार, स्टार माझा, न्यूज १८ लोकमत अशा वेबसाइटसाठी त्यांनी काम केले आहे. देश, विदेश आणि तंत्रज्ञान यासोबत क्रीडा विषयात त्यांची आवड आहे…. आणखी वाचा