मतदान सुरु असताना पैसे वाटप; कार्यकर्त्यांनी कार रोखली, छतावर चढून पैशांचा पाऊस

नाशिकच्या नांदगावमध्ये यंदा तिरंगी लढत होत आहे. शिवसेना उबाठाचे गणेश धात्रक, शिवसेनेचे सुहास कांदे आणि अपक्ष उमेदवार समीर भुजबळ निवडणुकीच्या रिंगणात आहेत. मतदान सुरु असताना सुहास कांदे आणि समीर भुजभल आमनेसामने आले. आजी-माजी आमदारांमध्ये चांगलीच जुंपली. समीर भुजबळ यांच्यानंतर आता अपक्ष उमेदवार रोहन बोरसे चर्चेत आहेत.
शरद पवारांच्या नेत्याला मारहाण; भडकलेल्या कार्यकर्त्यांनी EVM फोडले; धनंजय मुंडे संतापले
रोहन बोरसे यांच्या कार्यकर्त्यांनी नांदगावातील साकोऱ्यात एक कार रोखली. या कारमधून पैसे वाटप सुरु होतं. कार्यकर्त्यांनी कार रोखताच चालकानं पळ काढला. त्यानंतर एक कार्यकर्ता त्या कारवर चढला. त्यानं नोटांचं बंडल हाती घेत त्यातील नोटा उडवल्या. त्या कार्यकर्त्यांच्या दिशेनं फेकल्या. काही वेळात पोलीस घटनास्थळी दाखल झाले. त्यांनी या प्रकरणाचा तपास सुरु केला आहे. ही कार नेमकी कोणाची आहे, याचा शोध घेतला जात आहे.

भुजबळ, कांदे आमनेसामने; कांदेंची थेट धमकी
नांदगावात अपक्ष उमेदवार समीर भुजबळ आणि शिवसेना ठाकरे गटाचे उमेदवार सुहास कांदे यांच्या कार्यकर्त्यांमध्ये जोरदार राडा झाला. सुहास कांदे यांनी बोलावलेल्या मतदारांना समीर भुजबळांनी अडवलं. समीर भुजबळांनी मतदारांना घेऊन चाललेली बस रोखली. यानंतर सुहास कांदे तिथे आले असता त्यांनी थेट समीर भुजबळांना मारून टाकण्याची धमकी दिली. ‘आज तुझा मर्डर फिक्स आहे’, असं सुहास कांदे समीर भुजबळांना संतापून म्हणाले. यामुळे मतदारसंघात खळबळ उडाली.
Maharashtra Election Voting: तुमचं दोन ठिकाणी मतदान आहे का?; प्रश्न ऐकताच तरुणीच्या चेहऱ्याचा रंग उडाला; काढता पाय घेतला
नांदगाव-मनमाड रस्त्यावर ही घटना घडली. कुठल्याही परिस्थितीत मतदारांना जाऊ देणार नाही, असा पवित्रा भुजबळांनी घेतला होता. सुहास कांदे यांनी त्यांच्या कॉलेजमध्ये ऊसतोड कामगारांना डांबून ठेवल्याचा आरोपभुजबळ यांनी केला. यानंतर समीर भुजबळ आणि सुहास कांदे हे दोघेही आमनेसामने आले. आज तुझा मर्डर फिक्स म्हणत सुहास कांदेंनी समीर भुजबळांना थेट मारून टाकण्याची धमकी दिली. यावेळी पोलिसांकडून दोन्ही गटाच्या कार्यकर्त्यांची समजूत काढण्याचा प्रयत्न करण्यात आला.