मविआ, महायुतीत लढत अटीतटीची, दोघांनाही संधी सत्ता स्थापनेची; चक्रावून टाकणारा एक्झिट पोल

सरकार आमचंच येणार, असे दावे महायुती, महाविकास आघाडीचे नेते गेल्या अनेक दिवसांपासून करत आहेत. त्यांचे शब्द झी AIचा एक्झिट पोल पाहून खरे ठरताना दिसत आहेत. राज्यात सत्ता स्थापनेसाठी १४५ चा जादुई आकडा गरजेचा आहे. झी AIच्या एक्झिट पोलनुसार महायुतीला १२९ ते १५९, तर मविआला १२४ ते १५४ जागा मिळण्याचा अंदाज आहे. तर अन्य पक्षांना ० ते १० जागा मिळू शकतात.
Maharashtra Election Exit Poll: भाजपची हॅट्ट्रिक, शिंदेसेना ठाकरेंवर भारी, दादांना धक्का; एक्झिट पोल आला; बहुमत कोणाला?
एक्झिट पोलमध्ये विभागावर आकडेवारी देण्यात आलेली आहे. त्यानुसार मुंबईतील ३६ जागांवर महायुती आणि महाविकास आघाडीत जोरदार रस्सीखेच असेल. दोघांना १५ ते २० जागांवर यश मिळण्याचा अंदाज आहे. ठाणे-कोकण पट्ट्यातील ३९ जागांचा विचार केल्यास महायुतीला २३ ते २८, तर मविआला ९ ते १४ जागा मिळण्याचा अंदाज आहे. शिवसेना उबाठानं या भागात मविआकडून सर्वाधिक जागा लढवल्या आहेत.
Karale Master: तो आला, एकही शब्द न बोलता थेट मारु लागला! कराळे मास्तरांवर हल्ला, भाजपवर आरोप
विदर्भातील ६२ जागांचा विचार करता महायुती वरचढ ठरण्याचा अंदाज आहे. महायुतीला ३२ ते ३७, तर मविआला २४ ते २९ जागा मिळतील असा अंदाज वर्तवण्यात आला आहे. लोकसभेत झालेलं नुकसान महायुती विधानसभेत भरुन काढताना दिसत आहे. मराठवाड्यात विधानसभेच्या ४६ जागा येतात. इथे मराठा आरक्षणाचा विषय महत्त्वाचा आहे. महायुतीला १६ ते २१, तर मविआला २४ ते २९ जागा मराठवाड्यात मिळू शकतात.

उत्तर महाराष्ट्रातील ३५ जागांवर अटीतटीची लढत होईल. मविआ आणि महायुतीला इकडे प्रत्येकी १५ ते २० जागा मिळण्याचा अंदाज आहे. पश्चिम महाराष्ट्रातील ७० जागांवर मविआ महायुतीला मागे टाकेल असं सर्व्हे सांगतो. महायुतीला २८ ते ३३, तर मविआला ३३ ते ४२ जागा मिळू शकतात.