काँग्रेस प्रदेशाध्यक्ष नाना पटोले मुख्यमंत्री होणार आहेत का? विजय वडेट्टीवारांनी स्पष्टच सांगितलं

नाना पटोले यांनी मी मुख्यमंत्री होणार असं कुठेही म्हटलेलं नाही. महाविकास आघाडीचे नेते एकत्र बसून मुख्यमंत्री कोण होणार निर्णय घेऊ, माध्यमांनी प्रश्न विचारल्याने संजय राऊतच्या तोंडून असा शब्द निघाला असेल. आमचे प्रदेशाध्यक्ष नाना पटोले यांनी त्यांना मुख्यमंत्री व्हायचय असं कधीच म्हटलेलं नसल्याचं विजय वडेट्टीवार म्हणाले. यावेळी वडेट्टीवारांनी मविआच्या किती जागा येणार यावरही भाष्य केलं. एक्झिट पोल आहे, एक्झॅक्ट पोल नसतात त्यामुळे 23 तारखेची वाट पहा, मी यावर जास्त भाष्य करणार नाही. अशा कंपन्या काम करत असतात त्यांचे अंदाज वर्तवत असतात. महाविकास आघाडी महाराष्ट्रात 165 जागा जिंकत आहे आणि 23 तारखेला सत्ता स्थापन करू असं वडेट्टीवारांनी सांगितलं.

खासदार प्रणिती शिंदे आणि ठाकरे गटामधील वादावर दोन्ही पक्षाचे हाय कमांड लक्ष घालत आहे, त्यावर चांगला मार्ग काढला जाईल. तिन्ही पक्ष एकत्र असल्यावर अशा गोष्टी होत असतात, कोणीही टोकाची भूमिका घेऊ नये. पुढील काळात सरकारमध्ये हातात हात घालून एकत्र आपल्याला काम करायचे आहे त्यावर हाय कमांड नक्की तोडगा काढतील, असा विश्वास विजय वडेट्टीवारांनी व्यक्त केला. दहा वर्षानंतर पहिल्यांदा भाऊबीज केली, दहा वर्षात कधी भाऊबीज केली नाही. महागाईचा बोजा किती टाकला दीड हजारात काय होणार हे आमच्या लाडक्या बहिणीला माहित आहे. आम्ही गृहलक्ष्मी योजनेद्वारे 3000 देणार आहोत त्यामुळे त्यांनी मोठ्या उत्साहाने मतदान केलं त्याचा आम्हाला फायदा होणार असल्याचंही वडेट्टीवार म्हणाले.