पिंपरीत मतदान कमी, भोसरीमध्ये कुणाला यशाची हमी? पुण्यात चर्चा रंगल्या, पैजांमध्ये कोण भारी?

भोसरी

शहरातील पिंपरी, चिंचवड आणि भोसरी विधानसभा मतदारसंघांत अनुक्रमे ५१.२९, ५६.७३ आणि ६१.१४ टक्के मतदान झाल्याचे स्पष्ट झाले आहे. शहरी भागात (पुणे आणि पिंपरी-चिंचवड मिळून) सर्वाधिक ६१.१४ टक्के मतदान भोसरी मतदारसंघामध्ये झाले आहे. त्यामुळे भारतीय जनता पक्षाच्या कार्यकर्त्यांमध्ये उत्साह आहे. वाढलेले मतदान तारक ठरणार असल्याचा दावा ते करीत आहेत. आमदार महेश लांडगे विरुद्ध अजित गव्हाणे यांच्या लढतीवर कार्यकत्यांमध्ये पैजा जडत आहेत.
Maharashtra Election : सर्वात आधी विजयाचा गुलाल कोण उधळणार? पहिला निकाल कुठे? इंटरेस्टिंग माहिती समोर

चिंचवड

सर्वांत मोठ्या चिंचवड मतदारसंघातील ६ लाख ६३ हजार ६२२ मतदारांपैकी किती मतदार लोकशाहीच्या उत्सवात सहभागी होतात, याकडे लक्ष लागले होते. त्यापैकी ३ लाख ७६ हजार ४७२ जणांनी मतदान केले. हे प्रमाण ५६.७३ टक्के आहे. ते गेल्या निवडणुकीच्या तुलनेत (५३.६६ टक्के) काहीसे जास्त असले तरी जिल्ह्याच्या सरासरी मतदानाच्या (६१.०५ टक्के) तुलनेत कमी आहे. शंकर जगताप विरुद्ध राहुल कलाटे लढतीकडे लक्ष लागले आहे. अपक्ष भाऊसाहेब भोईर समर्थकांना चमत्काराची अपेक्षा आहे.
Axis My India Exit Poll : जनतेने ठरवला मुख्यमंत्रिपदाचा चेहरा; शिंदे, फडणवीस, ठाकरे, दादा की नाना? सर्वाधिक पसंती कुणाला? चक्रावणारे आकडे

पिंपरी

पिंपरी मतदारसंघातील ५१.२९ टक्केवारी शेवटच्या तासात वाढलेली आहे. त्यामुळे सायंकाळच्या सत्रातील मोठ्या प्रमाणात झालेले मतदान कोडे न उलगडणारे आहे. गेल्या २०१९च्या तुलनेत यंदाच्या मतदानामध्ये एक टक्का वाढ झाली आहे. त्यामुळे मागील निकालाचा अंदाज यंदाही लागू पडेल, अशी अपेक्षा महायुतीला आहे. कार्यकर्त्यांचे बळ विजयासाठी उपयुक्त ठरेल, असे आमदार अण्णा बनसोडे म्हणत आहेत. मतदारांनी निवडणूक हाती घेतल्याने ते बदल घडवतील, असा विश्वास डॉ. सुलक्षणा शिलवंत-धर यांना आहे.

खडकवासल्यात लाखांच्या पैजा

लाडक्या बहिणींनी काय केले. ‘व्होट’ ते ‘नोट’ जिहाद, मतांचे धर्मयुद्ध झाले का; तसेच वाढलेल्या मतदानाचा फायदा कोणाला, अशा काही मुद्द्यांसह ‘एक्झिट पोल’मध्ये दाखविलेल्या विधानसभेच्या जागांच्या अनुषंगाने शहरातील चौकाचौकांत, कट्ट्यांवर, अमृततुल्यांमध्ये निवडणुकीच्या अनुषंगाने जोरदार चर्चा रंगल्या आहेत. या चर्चामध्ये शहरातील काही जागांवर हजारो रुपयांच्या पैजाही लावण्यात येत असल्याचे चित्र गुरुवारी पाहावयास मिळाले.

पुणे शहरातील खडकवासला, कसबा पेठ, शिवाजीनगर, पुणे कैटोन्मेंट, वडगाव शेरी आणि हडपसर विधानसभा मतदारसंघांत कोण विजयी होणार, यावर आता जोरदार चर्चा झडत आहेत. कुटुंबातील, मित्रांच्या; तसेच वेगवेगळ्या व्हॉट्सअॅप ग्रुपवर निवडणुकीच्या विजयाचे दावे-प्रतिदावे करताना वादाच्या ठिणग्या पडू लागल्या आहेत. बहुतांश ‘एक्झिट पोल’मध्ये महायुतीचे सरकार येण्याचे संकेत दर्शविल्याने या वादाची धारही वाढल्याचे चित्र पाहावयास मिळत आहे. पुण्यातील मतदारसंघांमध्ये सर्वाधिक पैजा या खडकवासला आणि कसबा पेठ विधानसभा मतदारसंघात लागल्या असल्याची चर्चा आहे.

खडकवासल्यातील पैजेच्या रकमा या काही लाखांत असल्याने या ठिकाणची लढत अत्यंत चुरशीची झाल्याचे चित्र दिसत आहे. मतदानाची आकडेवारी आल्यानंतर कट्ट्यांवरील चर्चामध्येही चुरस जाणल्याची प्रतिक्रिया राजकीय कार्यकर्ते धीरज महाडिक यांनी व्यक्त केली.