प्रणिती शिंदेंविरोधात जोडे मारो आंदोलन, शरद कोळींवर गुन्हा दाखल, कार्यालयासामोरही पोलीस बंदोबस्त

काँग्रेसच्या खासदार प्रणिती शिंदे यांच्याविरोधात आंदोलन करणं शिवसेना ठाकरे गटाला महागात पडलंय. ठाकरे गटाचे उपनेते शरद कोळी यांनी केलेल्या आंदोलनामुळे आता त्यांच्यासह माजी मंत्री उत्तमप्रकाश खंदारे आणि इतर आंदोलकांवर गुन्हा दाखल झालाय. कोणतीही परवानगी न घेता आंदोलन केल्याने शरद कोळी आणि इतर आंदोलकांविरोधात भारतीय न्याय संहिता 223 आणि महाराष्ट्र पोलीस कायदा 135 अन्वये गुन्हा नोंद झाला आहे. शरद कोळी यांना ताब्यात घेऊन पुढील कायदेशीर कारवाई करण्यात येईल अशी माहिती सदर बाजार पोलीस ठाण्याचे वरिष्ठ पोलीस निरीक्षक अजित लकडे यांनी दिली.

Source link