Tej Police Times
Krishna Khopde wins by big Margin in Nagpur East : भाजपच्या उमेदवाराला मिळाली रेकॉर्डब्रेक मतांची आघाडी, प्रतिस्पर्धी उमेदवाराच्या नाकीनऊ
BJP Krishna Khopde wins Maharashtra Nagpur East Vidhan Sabha Election 2024: सर्वांना आश्चर्याचा धक्का देत पूर्व नागपूर विधानसभा मतदारसंघातील भाजपचे उमेदवार कृष्णा खोपडे यांनी सर्वाधिक 1 लाख 13 हजार 286 मतांनी विजय मिळवला आहे. जो नागपूर जिल्ह्यातील सर्वाधिक मतांचा विजय ठरला. यामुळे त्यांच्या विजयाची सर्वदूर चर्चा सुरु झाली आहे.
तसेच, नागपूर विधानसभेतील उत्तर आणि पश्चिम भागात काँग्रेसला फक्त दोनच जागा मिळाल्या, ज्यामुळे काँग्रेसच्या पराभवाची चिन्हे स्पष्ट झाली. त्याचवेळी नागपूर जिल्ह्यातील रामटेक विधानसभेतून महायुतीचे आशिष जैस्वाल, काटोलमधून भाजपचे प्रदेशाध्यक्ष चंद्रशेखर बावनकुळे, सावनेरमधून आशिष देशमुख, हिंगणामधून समीर मेघे आणि काटोलमधून चरणसिंग ठाकूर यांनी सर्वांना चकित केले आहे. नागपूरच्या उमरेड विधानसभा मतदारसंघातून महाविकास आघाडी काँग्रेसचे संजय मेश्राम विजयी झाले आहे.
PM Modi On Maharashtra Election 2024: ‘महाराष्ट्रातील विजय हा घराणेशाहीचा पराभव’, PM मोदींनी फडणवीसांसह शिंदे-अजित पवारांचे केले कौतुक
काटोल आणि सावनेर विधानसभेत सर्वाधिक धक्कादायक निकाल पाहायला मिळाले. सावनेरमध्ये भाजपचे आशिष देशमुख यांनी मोठा विजय मिळवत सुनील केदार यांचे 30 वर्षांपासून असलेले वर्चस्व मोडित काढले आहे. आशिष देशमुख यांच्या विजयामुळे सावनेरमध्ये भाजपची पकड मजबूत झाली आहे. तर दुसरीकडे काटोल विधानसभेतून विजयी झालेले राष्ट्रवादी शरदचंद्र पवार यांचे अनिल देशमुख यांचे पुत्र सलील देशमुख यांना पराभवाला सामोरे जावे लागले आहे. त्यांचा पराभव महायुतीच्या उमेदवाराने केला, ज्यामुळे काटोल मतदारसंघात मोठी राजकीय उलथापालथ झाली आहे.
संपूर्ण नागपूर जिल्ह्यात महायुतीने मिळवलेला हा ऐतिहासिक विजय आहे आणि आगामी काळात नागपूर जिल्ह्यातील राजकीय समीकरणे कशी बदलतात, याकडे सर्वांचे लक्ष लागले आहे.
- दक्षिण-पश्चिम नागपुर येथून देवेंद्र फडणवीस यांचा 39 हजार 710 मतांनी विजय झाला. त्यांनी काँग्रेसचे प्रफुल गुडधे पाटील यांचा पराभव केला
- कामठी येथून चंद्रशेखर बावनकुळे यांचा 40 हजार 946 मतांनी विजय झाला. त्यांनी काँग्रेसचे सुरेश भोयर यांचा पराभव केला
- पूर्व नागपूर येथून कृष्णा खोपडे यांनी 1 लाख 13 हजार 286 मतांनी विजय मिळवला. त्यांनी राष्ट्रवादी शरद पवार गटाचे दूनेश्र्वर पेठे यांचा पराभव केल
- सावनेर येथून आशीष देशमुख यांचा 26 हजार 401 मतांनी विजय मिळवला. त्यांनी काँग्रेसचे अनुजा केदार यांचा पराभव केला.
- पश्चिम नागपुर येथून काँग्रेसचे विकास ठाकरे यांचा 5 हजार 824 मतांनी विजय झाला, त्यांनी भाजपचे सुधाकर कोहळे यांचा पराभव केला
- मध्य नागपुर येथून भाजपच्या प्रवीण दटके यांचा 11 हजार 516 मतांनी विजय झाला. त्यांनी काँग्रेसचे बंटी शेळके यांचा पराभव केला
- रामटेक येथून शिवसेना शिंदे गट आशीष जयस्वाल यांचा 26 हजार 555 मतांनी विजय झाला त्यांनी राजेन्द्र मुळक यांचा पराभव केला
- उत्तर नागपुर येथून काँग्रेसचे नितिन राउत यांचा 27 हजार 992 मतांनी विजय झाला, त्यांनी भाजपचे मिलिंद माने यांचा पराभव केला
- हिंगणा येथे भाजपच्या समीर मेघे यांनी 78 हजार 931 मिळवत विजय मिळवला, त्यांनी राष्ट्रवादी शरद पवार रमेश बंग यांचा पराभव केला
- काटोल मध्ये भाजपचे चरणसिंह ठाकुर यांनी 38 हजार 816 मतांनी विजय मिळवला त्यांनी राष्ट्रवादी काँग्रेस शरद पवार गटाचे सलील देशमुख यांचा पराभव केला
- दक्षिण नागपुर मधून भाजपचे मोहन मते यांचा 15 हजार 573 मतांनी विजय झाला. त्यांनी काँग्रसचे गिरीश पांडव यांचा पराभव केला
- तर उमरेड मध्ये काँग्रेसचे संजय मेश्राम यांचा 12 हजार 825 मतांनी विजय झाला. त्यांनी भाजपचे सुधीर पारवे यांचा पराभव केला
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड…. आणखी वाचा