विरोधी पक्षनेतेपदाबद्दल प्रश्न, आदित्य ठाकरे म्हणाले, ४८ तास झाले कोण CM होतंय हे पाहूयात…!

महाराष्ट्र विधानसभा निवडणुकीत महाविकास आघाडीला जबरदस्त धक्का बसला आहे. उद्धव ठाकरे यांनी आदित्य ठाकरे यांच्याकडे गटनेते पदाची जबाबदारी दिली आहे. यानंतर आदित्य ठाकरे यांनी पुन्हा एकदा मुख्यमंत्री एकनाथ शिंदे यांच्यावर निशाणा साधला आहे.थोडी तरी पातळी ठेवावी, थोडी तरी लाज बाळगावी. प्रत्येक वेळी बोलायचं आहे म्हणून बोलू नये. जो काही घोळ घातला आहे त्याची मजा घ्या, असं आदित्य ठाकरे म्हणाले. तसेच विरोधी पक्षनेतेपदाबद्दल विचारले असता सगळ्या गोष्टी बोलणं योग्य नाही. काही गोष्टींवर विचार सुरु आहे. योग्य वेळी आम्ही त्यावर बोलू, असं आदित्य ठाकरेंनी सांगितलं.