मुख्यमंत्रीपदाबाबत वाढला सस्पेन्स, देवेंद्र फडणवीस दिल्लीतून मुंबईत दाखल, बड्या नेत्यांची..

महाराष्ट्राचा मुख्यमंत्री कोण होणार याबाबत अजूनही सस्पेंस कायम आहे. मुख्यमंत्रीपदाबाबत अनेक बैठका देखील झाल्या. मुख्यमंत्रीपदाबाबत रस्साखेच सुरू असतानाच देवेंद्र फडणवीस हे काल दिल्लीला एका खासगी कार्यक्रमानिमित्त गेले होते. मात्र, यावेळी त्यांची कोणत्याही बड्या भाजपा नेत्यासोबत बैठक झाली नाही. कोणालाही न भेटता ते परत मुंबईला आले. देवेंद्र फडणवीस यांच्या दिल्ली दाैऱ्याकडे सर्वांच्या नजरा होत्या.
Raj Thackeray : महायुतीत सहभागी होऊया ना, ‘शिवतीर्थ’वर आवाज घुमला, राज ठाकरेंना मनसेचे दिग्गज नेते म्हणतात…लोकसभा अध्यक्ष ओम बिर्ला यांच्या मुलीच्या विवाहसोहळ्याला उपस्थित राहून फडणवीस मुंबईला परतले. अशी चर्चा होती की, यावेळी देवेंद्र फडणवीस हे भाजपाच्या दिल्लीतील बड्या नेत्यांच्या भेटी घेतील. मात्र, असे होऊ शकले. मुख्यमंत्रीपदाबद्दलचा निर्णय हा दिल्लीमधूनच होऊ शकतो, असे सांगितले जातंय. मात्र, सध्यातरी राज्यातील नेते हे मुख्यमंत्रीपदाबद्दल भाष्य करणे टाळताना दिसत आहे. आज मुख्यमंत्रीपदाबद्दल निर्णय होण्याची शक्यता आहे.

एकनाथ शिंदे यांना मुख्यमंत्रीपदाबद्दल प्रश्न विचारण्यात आला होता. मात्र, त्यांनी यावर भाष्य करणे टाळल्याचे बघायला मिळाले. एकनाथ शिंदे हेच परत एकदा मुख्यमंत्री व्हावेत, ही शिंदे गटाची इच्छा आहे. मात्र, संख्याबल लक्षात घेता देवेंद्र फडणवीस हे मुख्यमंत्री होऊ शकतात. भाजपही फडणवीस यांच्यासाठी आग्रही असल्याची चर्चा आहे. महायुती सरकारला लाडकी बहिण योजनेचा फायदा झाल्याचे बोलले जातंय. शिंदे यांनी निवडणुकीनंतर लाडक्या बहिणींचे धन्यवाद देखील मानले होते.