देवेंद्र फडणवीसांनी तर कमालच केली! स्वत:च्या दोन PA ना आमदार केले, हा ट्रेंड काय सांगतोय?

फडणवीसांचे दोन PA आमदार म्हणून विजयी

सुमित वानखेडे आणि अभिमन्यु पवार हे देवेंद्र फडणवीस यांचे पीए होते. मात्र आता ते विधानसभेत निवडून आल्यानंतर आमदार म्हणून नव्या भूमिकेत दिसतील. सुमित वानखेडे यांनी वर्धा जिल्ह्यातील आर्वी विधानसभा मतदारसंघातून विजय मिळवला. त्यांनी राष्ट्रवादी शरद पवार गटाच्या मयूरा काळे यांचा जवळपास ३९ हजार मतांनी पराभव केला.
Farmer Sucess Story : कोरियन कार्पेट गवताची लागवड, बीडच्या तरुणांचा यशस्वी प्रयोग; शेतीतून करतोय लाखोंची कमाई
तर अभिमन्यू पवार हे लातूर जिल्ह्यातील औसा या विधानसभा मतदारसंघातून आमदार म्हणून निवडून आले. त्यांनी शिवसेना उद्धव बाळासाहेब ठाकरे गटाच्या दिनकर माने यांना ३३ हजार मतांनी मात दिली.

एकनाथ शिंदेंच्या पीएच्या पराभव

तर मुख्यमंत्री एकनाथ शिंदे यांचे पीए राहिलेले बालाजी खटगांवकर नांदेड जिल्ह्यातील मुखेड विधानसभा मतदारसंघातून पराभव झाला.
गोविंदाच्या जावयावर पैशांचा पाऊस, IPL लिलावात मोठी बोली; राजस्थान रॉयल्सकडून कितीला खरेदी?

याआधी बनलेले PA ते नेते….

यंदाच्या विधानसभा निवडणुकीमध्ये नेत्यांचे पीए आमदार झाल्याची ही पहिलीच वेळ नाही. याआधीही नेत्यांचे पीए म्हणून काम पाहिलेले व्यक्ती आमदार आणि त्यानंतर विधान परिषद सदस्य बनले आहेत. पीए म्हणून नेत्यांची कामं पाहाताना ते प्रशासकीय अनुभवाचा फायदा घेत निवडणुकीच्या रिंगणात उतरले. पीए निवडणुकीच्या रिंगणात उतरले आणि त्यांनी यश मिळवत ते आमदारा झाले, त्यानंतर विधान परिषद सदस्यही झाले. पीए ते आमदार झालेल्या या नेत्यांमध्ये दिलीप वळसे पाटील, मिलिंद नार्वेकर या नेत्यांची नावं आहेत. राजकारणातील प्रशासकीय अनुभव असलेल्या या लोकांचा वाढता प्रभाव हे देखील यावरुन दर्शवलं जात आहे.

एकेकाळी शरद पवारांचे पीए असलेले दिलीप वळसे पाटील हे माजी मंत्रीमंडळात मंत्री राहिले आहेत. चार दशकांपूर्वी ते शरद पवार यांचे पीए होते. तर मिलिंद नार्वेकर हे उद्धव ठाकरेंचे पीएही होते. यंदा जुलैमध्ये ते विधान परिषदेचे सदस्य झाले. दुसरीकडे श्रीकांत भारतीय हे देवेंद्र फडणवीस यांचे OSD होते. मात्र २०२२ मध्ये ते विधान परिषदेवर गेले.