पराभव स्वीकारला, निलेश राणेंना शुभेच्छा; कार्यकर्त्यांसमोर वैभव नाईक भावुक

कुडाळ मालवण मतदान संघाचे माजी आमदार वैभव नाईक कार्यकर्त्यांना संबोधित केलं.यावेळी माजी आमदार वैभव नाईक भावनिक झाल्याचं पाहायला मिळालं. मी आमदार म्हणून कधी वागलोच नाही, मी माझी आमदारकी तुमच्यासाठी वापरली असं वैभव नाईक म्हणाले.मी इतरांप्रमाणे फेर मतमोजणीची मागणी करणार नाही, माझा झालेला पराभव मला मान्य आहे असं नाईक म्हणाले.राज्य शासनाने लाडक्या बहिणीला देऊ केलेले २१०० रुपये बंद केल्यास प्रसंगी रस्त्यावर उतरू असं नाईक म्हणाले.जोमाने कामाला लागा असे आवाहन वैभव नाईक यांनी कार्यकर्त्यांना केले.